اوتگن هفته چهارشنبه کونی پکتیکا ده‌گی فاجعه‌لی زلزله، مالی و جانی آغیر زیان ییتکیزگن، حاضر ایسه اوشبو منطقه یشاوچیلری آره‌سیده تورلی خیل کسللیکلر ترقه‌لیش احتمالی کوچه‌یگن.
زلزله طفیلی اینگ کوپ زیان کورگن گیان تومنی یشاوچیلری نینگ ایتیشلریچه، زلزله دن کیین تورلی خیل کسللیکلرگه چلینگنلر. اولر نینگ ایتیشلریچه، کسللر سانی جدا هم کوپ و اوشبو تومنده‌گی طبی امکانیت، بیمارلر سانی گه قره‌گنده ییترلی ایمس.
اولر گه کوره، کوپ سانده اهالی ملاریا، اسهال، یوتل و روحی کسللیکلر گه چلینگنلر که اکثریتی عیاللر و باله‌لر دیر.
بیزلرنینگ فیسبوک صحیفه‌میزگه باش اورینگ!
پکتیکا ولایتی گیان تومنی یشاوچیلری نینگ سلام‌وطندار گه ایتیشلریچه، مذکور تومن نینگ ۷۰ مینگ نفوسی گه قره‌گنده طبی امکانیت آز دیر.
گیان تومنی یشاوچیلریدن بولمیش نور جهان نینگ ایتیشیچه: «عیاللر نینگ قیینچیلیکلری جدا هم کوپ، چونکه بیر قطار عیاللر تام و دیوار آستیگه قالیب و یره‌لنگن. بیر عیال شفاکار کیلگنینی ایتدیلر، بیراق بیز کورگنیمیز یوق. احوال جدا هم چتاق و اوزاق منطقه‌لر ده‌گی بیمارلرنینگ طبی امکانیت گه دسترس لیکلری یوق.»
گیان تومنی یشاوچیلریدن باشقه بیری خیرالله گه کوره: «بو ییرگه کیلگن تیم‌لر قیتدیلر. کسللر سانی جدا هم کوپ و برچه تومن‌لرده یالغیز بیر ساغلیک مرکز بار. ۷۰ نفوس دیر و دقت بولمه‌یدی.»
عین‌حالده، گیان تومنیده خلق‌ارا ساغلیق‌نی سقلش تشکیلات مسئولی نجیب‌الله زدران نینگ ایتیشیچه، زلزله یوز بیرگن منطقه‌لرده ملاریا، نفس قیسمه، اسهال و روحی کسللیکلر ترقه‌لماقده و آلدی آلینیشی اوچون اقدام بولیشی کیره‌ک.
جناب زدران، اوشبو کسللیکلر ترقه‌لیش عاملینی هوا افلاسلیگی و صحی ییچیملیک سوو یوق‌لیگی عنوان قیله‌دی.
خلق‌ارا ساغلیق‌نی سقلش تشکیلات مسئولی نجیب‌الله زدران نینگ ایتیشیچه: «طبی قاعده‌لر رعایت بولمه‌یدی، زلزله دن کیین هوا افلاسلنگن و اهالی اریق‌لر سووی دن قوللنه‌دیلر. اکثر مردم اسهال و روحی کسللیککه چلینگن و یشاوچیلر خواطرده.»
پکتیا ساغلیق‌نی سقلش مسئولی گه کوره، زلزله یوز بیرگن منطقه‌لرده تورلی خیل کسللیکلر ترقه‌لیشی ممکن، بیراق یاردم بیرووچی اداره‌لر بیلن اوشبو بیمارلیکلرنی آلدینی آلیش مقصدیده تلاش قیلماقده‌لر و بیمارلرنی دوالش اوچون ساغلیق‌نی سقلش تیم‌لر منطقه گه جونه‌تیلگن.
بیزلرنینگ توییترده هم تعقیب قیلینگ!
پکتیکا ساغلیق‌نی سقلش باشلیغی حکمت‌الله عصمت نینگ ایتیشیچه: «کوپ سانده یشاوچیلر تیز یاردم گه محتاج‌لر، بیراق تیم‌لر ایشلماقده و او ییرده درمانخانه‌لر موجود. اهالی گه یاردم کورسه‌تیلگن و کورسه تیله‌دی. قیینچلیکلر حلی اوچون سعی و حرکت قیلماقده میز.»
بیرلشگن ملت‌لر تشکیلاتی نینگ جمعیت صندوقی اوز گزارشی ده، خوست و پکتیکا ده ۲۰ مینگ عیال تیز صحی یاردم گه محتاج‌لیگینی معلوم قیلگندن کیین، پکتیکاده زلزله یوز بیرگن منطقه لرده تورلی خیل کسللیکلر ترقه‌لیشی معلوم قیلینگن.
بیرلشگن ملت‌لر تشکیلاتی جمعیت صندوقی نینگ گزارشی ده کیلیشیچه، ساغلیق‌نی سقلش تیم‌لر اوشبو منطقه‌لر گه جونه‌تیلگن و اولر آره‌سیده عیال شفاکارلری هم بار.
