پکتیکا ولایتی ارگون تومنی یشاوچیلریدن قطاری، بوگون ایرته‌لب اوشبو تومن نینگ بازاری ده‌گی دکان لری و غرفه‌لریده اوچ رنگلی ملی پرچم نی کوتاردیلر، اولرنینگ بو ایشی اسلامی امارت کوچلری نینگ عکس‌العملی گه روپه‌رو بولیب و پرچم‌لر اوشبو کوچلر تامانیدن توشیریلگن.
ارگون تومنی یشاوچیلریدن بیری منور مبارز نینگ سلام وطندارگه ایتیشیچه، بوگون ایرته‌لب مذکور تومن بازاری‌ده دکان لردن قطاری اوز دکان، غرفه و مارکیت‌لری‌ده اوچ رنگلی ملی بیرق‌نی کوتاردیلر.
مبارز نینگ ایتیشیچه، اسلامی امارت نینگ ارگون تومنیده‌گی مسئول‌لری دستلب اهالی نینگ بو حرکتی‌گه واکنش کورستمه دیلر، بیراق کیین ایسه اسلامی امارت کوچلری اوشبو بیرق‌لرنی قیته‌دن ییغدیلر.
بیزلرنینگ فیسبوک صحیفه‌میزگه باش اورینگ!
عین‌حالده، ارگون تومنی باشقه یشاوچیسی احسان زدران گه کوره، اسلامی امارت حربی کوچلری اوچ رنگلی پرچم‌لرنی توپلب و بیرقطار یشاوچیلرنی دکان و غرفه لریده بیرق‌لرنی کوتاریش لری سبب کلتکله‌گن.
لیکن پکتیکا ده اسلامی امارت نینگ معلومات و مدنیت باشلیغی بلال حذیفه نینگ ایتیشیچه، ارگون تومنی یشاوچیلری پرچم لرنی کوتاریب و کیین ایسه اوزلری توشیرگن‌لر و اسلامی امارت کوچلری کیمسه‌نی اورمه‌گن.
او سلام وطندارگه ایتیشیچه: «یوق، اهالی کلتکلنمه‌گن، یشاوچیلر اوز خواست لری بیلن بیرق لرنی کوتاریب و کیین ایسه توشیردیلر، بوگَل واقعه روی بیرمهگن. بو یالغیز شایعه دیر.»
بیزلرنینگ فیسبوک صحیفه‌میزگه باش اورینگ!
بو حرکت پکتیکا یشاوچیلری تامانیدن عین‌حالده صورت تاپکن که نیچه کون آلدین، اسلامی امارت سوزلاوچیسی ذبیح الله مجاهد دن نقل قیلینیب اوچ رنگلی بیرق افغانستان نینگ ملی پرچمی اوله‌راق احتمالی تانیلیشی خصوصیده اجتماعی میدیالرده ترقه‌لگن ایدی.
