اسلامی همکارلیک تشکیلاتی ده، پاکستان باش وزیری عمران خان نینگ افغانستان حقیده بولگن صحبتی افغانستان ده اجتماعی ترماغ‌لر و ایش‌بیلرمان‌لر نینگ قتیق عکس‌العملی‌‌لری گه یوزمه یوز بولگن. اولر پاکستان نی افغانستان ایشلری گه اره‌لشماقده دیب عیبله‌یدی.
سه شنبه کونی اسلامی همکارلیک تشکیلاتی ده، پاکستان باش وزیری عمران خان، داعش افغانستان توپراغیدن پاکستان گه هجوم قیلگن دیدی. شونینگ دیک او، افغانستان خاتین‌لری نینگ اورگنیش دن محرم قالیش‌لری افغانستان نینگ فرهنگی میراث لریدن بیری دیگن.
بیزلرنینگ فیسبوک صحیفه‌میزگه باش اورینگ!
عمران خان نینگ بو صحبت‌لری، افغانستان وطنداشلری تامانیدن قتیق قاره‌لنگن.
سیاسی ایش بیلرمان نورشاه نورانی، پاکستان باش وزیری نینگ بیاناتی نی مغرضانه، غیرواقعی و افغانستان ایشلری گه اره‌لشماق دیب بیله دی. او نینگ ایتیشیچه، اگر پاکستان رسمی‌لری افغانستان توغریسیده منفی بیانات بیریش لردن قول کوتارمسه، افغانستان ده قتیق عکس‌العمل‌لر گه یوزمه یوز بولیشی ممکن.
باشقه بیر سیاسی ایش بیلرمان عبدالحق عماد نینگ ایتیشیچه، عمران خان بیاناتی بی بنیاد ایدی و اوتگن ۴۰ ییل دن بیری تروریستی گروه‌لرو شورشچی‌لر پاکستان دن اوتیب افغانستان گه کیلیشگن.
اسلامی امارت سوزلاوچی اورین باسری بلال کریمی نینگ ایتیشیچه، پاکستان باش وزیری نینگ افغانستان ده داعش بارلیگی ادعا سی نی یالغان دیب، افغانستان دن هیچ بیرزمان دنیا گه تهدید یوق. کریمی نینگ ایتیشیچه، خاتین‌لر حق‌لری اسلام چارچوبه سیده رعایت ایتیله دی و قیزلر نینگ هم اوقیش موضوع سی حل ایتیلماقده.
سابق جمهور رییس حامد کرزی، عمران خان بو سوزلرینی افغانستان وطنداشلری نی اورته‌سیده نفاق تشلش و افغانستان خلقی نی تحقیر قیلیش دیر، دیگن.
امرالله صالح شامل، کوپینچه سیاستچی‌لر اجتماعی ترماغ‌لر قوللنووچی‌لری هم عمران خان بیاناتی گه عکس‌العمل کورستیشگن.
پاکستان رسمی‌لری، اوتمیش لرده هم افغانستان حقیده موندی بیانات بیریب افغانستان دن نماینده‌لیک قیلیش‌لرینی کورستیشگن. او زمان ده هم افغانستان وطنداشلری نینگ عکس‌العمل‌لری گه یوزمه یوز بولرایدی.
