افغانستان تعلیمی و قیته قوریش یا-ده AREP موسسه‌سی، FAO موسسه همکارلیگی بیلن بوگون مذکور ولایت نینگ دشت ارچی تومنی‌ده ۹۶۲ کیشی گه نقد پول یاردم بیرگنلر.
قندوز ده افغانستان تعلیمی و قیته قوریش موسسه مسئوللری نینگ ایتیش‌لریچه، اوشبو موسسه ۸۷ بیوه عیال و شونینگدیک دشت ارچی تومنی‌ده‌گی کانال‌لر نی پاک قیلیش اوچون ایش بدلی ییمک برنامه‌سیده ایش قیلگن ۸۷۵ کیشی گه FAO دفتری همکارلیگی بیلن هر بیر کیشی گه ۸۸۱۰ افغانی یاردم بیرگنلر.
بیزلرنینگ توییترده هم تعقیب قیلینگ!
اولر گه کوره، مذکور تومن‌ده پروژه ایشی نی وقتینچه‌لیک شکلده باشلب و اهالی گه ایش زمینه‌سی یره‌تیلیشی اوچون سعی و حرکت قیله‌دیلر.
قندوز تومنی نینگ ایکینچی‌لیک مدیری مولوی موسی، مذکور موسسه‌لر آرقه‌لی یولگه قوییلگن برنامه‌لردن خورسند‌لیک بیلدیریب و اهالی‌دن پروژه‌لر نینگ یخشی‌راق و فایده‌لی شکلده تطبیق بولیشی اوچون محلی حکومت بیلن همکارلیک قیلیش‌لری نی ایسته‌گن.
بیزلرنینگ فیسبوک صحیفه‌میزگه باش اورینگ!
باشقه بیر تاماندن، اوشبو پروژه‌ده ایشله‌گن قندوز نینگ دشت ارچی تومنی یشاوچیلریدن قطاری اولر گه ایش ایجاد بولگنی خصوصیده خورسند‌لیک بیلدیریب و قشاق و نیازمند اهالی اوچون کوپراق ایش زمینه‌سی یره‌تیلیشی نی ایسته‌یدیلر.
