سونگی نیچه کون ایچیده هوا مثلی کوریلمه‌گن درجه‌ده ساووق بولگنی‌دن کیین، بیش ولایتده ۴۵ کیشی هلاک بولگن. شونده‌ی بیر وضعیت‌ده مملکت جمعیتی‌دن کوپ قطاری اوی‌لرینی ایسیتیش و آزیق_آوقات‌دن بیرینی تنلش گه مجبورلر.
تخار یشاوچیلریدن محمود، ینگی‌لیکده تاغ سیلجیشی عاقبتیده اوی‌لری بوزیلیب و باش پنه‌سیز بولگن ۳۰ عایله دن بیری دیر. اونینگ ایتیشیچه: «برچه ییر موزلنگن ایدی، ایرته‌لب مسجد باره‌یاتگن پیتده، سوو کوپریک دن بلند بولگنینی کوریب قورقدیک، سوو آستیگه قالمسلیک اوچون عایله اعضالریمیزنی آلیب اوی دن چیقدیک و یشش اوی‌لریمیز بوزیلدی.»
بیزلرنینگ فیسبوک صحیفه‌میزگه باش اورینگ!
ساووق باعث اینگ کوپ اولگنلر نیمروز دن گزارش بیریلگن. سلام‌وطندار بیلن صحبت اوتکزگن نیمروز محلی مسئوللریدن بیری، اوشبو ولایتده ساووق باعث حاضرگچه ۲۷ کیشی هلاک بولگنینی تصدیقله‌گن.
شونینگدیک بادغیس امنیه قوماندان‌لیگی سوزلاوچیسی صدیق‌الله صدیقی گه کوره: «حاضرگچه مقر و قادس تومن‌لریدن معلومات بیریلگن، تأسف بیلن مذکور ایکی تومنده بیش کیشی هلاک بولگن.»
بادغیس ولایتی مرغاب تومنی یشاوچیسی صفت‌الله نینگ سلام‌وطندار گه ایتیشیچه: «بالامرغاب قیشلاغیدن بیریده بیر قیز و بیر ییگیت هوا ساووق‌لیگی طفیلی هلاک بولگن و شونینگدیک ساووق طفیلی باشقه بیر قیشلاغده بیر عیال هلاک بولگن.»
عین‌حالده، طبیعی آفت‌لرنی باشقریش بوییچه دولت وزیرلیگی مسئوللری، زیان کوره‌دیگن کیشی‌لر نینگ قیینچیلیگی حلی اوچون سعی و حرکت قیلیشیدن ایشانچ بیلدیریب ایتیشلریچه، حاضرگی یاردم‌لر نیازمند کیشی‌لر اوچون ییترلی ایمس.
بیزلرنینگ توییترده هم تعقیب قیلینگ!
طبیعی آفت‌لرنی باشقریش بوییچه دولت وزیرلیگی سوزلاوچیسی شفیع‌الله رحیمی نینگ ایتیشیچه، مذکور وزیرلیک زیان کوره‌دیگن کیشی‌لر نینگ قیین‌چیلیکلرینی حل قیلیش خصوصیده بودجه کم‌لیگی بیلن روپه‌ره دیر.
شونده‌ی بیرحالده، اوتگن هفته مملکت نینگ بیر قطار بولیم‌لریده هوا ساووق بولیشی پیش‌بینلیک قیلینگن ایدی که، قشاق و محتاج کیشی‌لرنی ایریم قیینچیلیک‌لر گه روپه‌ره قیلیشی ممکن.
