(آی او ام) و یا خلق‌ارا مهاجرلر تشکیلاتی ینگی‌لیکده بیر گزارش ترقه‌تیب ایتگن دیرکه افغانستانده عایلهلرنینگ ۵۵ فایزیدن کوپراقی نینگ درآمد منبعی یوق دیر مذکور تشکیلات نینگ گزارشی اساسیده افغانستانده عایله‌لردن ۱۶ فایزی کونیده بیر وقت ییمک ییدیلر و شونینگدیک افغانستانده ۲.۸ میلیون عایله قرضدار دیرلر.
شونده‌ی بیرحالده، مملکت یشاوچیلریدن قطاری که اوز عایله‌لرینی باقیشگه مجبور دیرلر ایش یوق لیگی و اقتصادی قینچیلیکلریدن شکایت قیلهدیلر.
بیزلرنینگ فیسبوک صحیفه‌میزگه باش اورینگ!
مملکت یشاوچیلریدن بیری نظر محمد قشاقلیک و قتصادی قینچیلیکیگدن شکایت قیلیب ایتیشیچه، اونینگ تیریک قالیش اوچون یالغیز قوروق نانگه دسترس لیگی بار اونینگ کوپه‌یتیریشیچه: «حاضر یالغیز قوروق نان تاپیب ییمیز توکلی‌میز خداگه حاضر تیریک قالیش اوچون حرکت قیلماقده میز آدملر تیریک قالسه‌لر بوله‌دی، حاضر هیچ قنده‌ی ایش یوق دیر.»
شونده‌ی بیرحالده، مملکت یشاوچیلریدن باشقه بیری عبدالله نینگ ایتیشیچه، اوتمیشلرده آشپزایدی؛ بیراق حاضرگی کونلرگه ایش‌سیز دیر و یامان اقتصادی وضعیت‌گه قرار تاپگن.
عبدالله نینگ ایتیشیچه اونینگ ۵ فرزندی بار، او اسلامی امارت‌دن مملکت یشاوچیلری نینگ اقتصادی وضعیتی‌گه جدی توجه قیلیشینی سوره‌یدی.
شونده‌ی بیرحالده، اسلام امارت اقتصاد وزیرلیگی مملکت‌ده تولیدی و اقتصادی آست‌قورمه‌لر یوقلیگینی ایش‌‌سیزلیک کوپه‌یگنی نینگ یگانه عاملی اوله‌راق عنوان قیله‌دی.
بیزلرنینگ توییترده هم تعقیب قیلینگ!
عبدالرحمن حبیب اسلامی امارت سوزچیسی نینگ سلام‌وطندارگه ایتیشیچه، اولر افغانستانده عایلهلرنینگ اقتصادی وضعیتی یخشیلنیشی و درآمد منبع‌لری و خرید قیلیش قدرت‌لرینی یوقاری ایلتیش اوچون باشقه بیر قطار نهادلر اویغونلیگی بیلن اوزاق مدتلی و کوتاه مدتلی ریجه‌لر اوستیگه ایش قیلماقده‌لر.
ایتیش کیره‌ک دیرکه افغانستانده اسلامی امارت حاکم بولگن‌دن کیین اوشبو مملکت یشاوچیلری نینگ اقتصادی وضعیتی کون اوتیشی بیلن یامانلشماقده.
