بدخشان محلی مسئوللری نینگ ایتیش‌لریچه، اوشبو ولایت مرکزی فیض‌آباد شهریده برهان‌الدین ربانی ولایتی کسل‌خانه‌سی گه اکسیژن ایشلب چیقرووچی بیر دستگاه، اروپا کمیسیونی نینگ مالی حمایتی بیلن آقاخان منطقوی بنیادی آرقه‌لی ۱۰۵ مینگ دالر گه ساتیب-آلینگن که بیر ساعت‌ده ۱۶ مینگ ۱۰۰ لیتر اکسیژن ایشلب چیقریش کوچیگه ایگه دیر.
مسئوللر گه کوره، مذکور اکسیژن ایشلب چیقرووچی دستگاه اوتگن کونی قوندیریلیب و بدخشان محلی مسئوللری و هم‌کار موسسه‌لر تامانیدن آچیلیب و فعالیت گه باشله‌گن.
بدخشان ده آقاخان منطقوی بنیاد رئیسی شمس‌علی شمس نینگ ایتیشیچه، اوشبو ولایت ساغلیق‌نی سقلش نهاد‌لری اوچون اکسیژن نینگ عادی مصرفی آیی‌ده ۱۵ مینگ لیتر گه ییتیشه‌دی؛ شونده‌ی بیرحالده، اوشبو دستگاه نینگ ایشلب چیقریش ظرفیتی بیر ساعت‌ده ۱۶ مینگ و ۱۰۰ لیتر گه ییتیشیب و هر ۲۵ دقیقه‌ده ۴۰ لیتره بالون نینگ ذخیره قیلیش ظرفیتیگه ایگه.
بیزلرنینگ توییترده هم تعقیب قیلینگ!
جناب شمس نینگ کوپه‌یتیریشیچه، آیلیک شکلده اکسیژن نینگ ساتیب-آلیش اوچون عادی حالت‌ده ۴۵۰ مینگ افغانی، اوشبو ولایت یشاوچیلری نینگ تنفسی و قیزه‌میق کسل‌لیگی کوپه‌یگنی بیر حالت‌ده، ۸.۵ میلیون افغانی و شونینگدیک کرونا کسل‌لیگی نینگ کوپه‌یگنی صورت‌ده، ۴۵ میلیون افغانی خره‌جت کوتاره‌دی که اوشبو دستگاه نینگ قوریلشی بیلن بو قیین‌چیلیک حل بولگن.
آقاخان منطقوی بنیاد رئیسی گه کوره، حاضر بدخشان ده ایسه ۳.۵ میلیون دالر ارزشی گه خالص اکسیژن ایشلب چیقریش ظرفیت بار که اوشبو ولایت نینگ اکسیژن ایشلب چیقریشی گه قره‌گنده خود‌کفا بولگن و شونینگدیک قوشنی ولایت‌لر گه هم صادر قیله آله‌دی.
شونده‌ی بیرحالده، بدخشان ولایتی کسل‌خانه رئیسی همایون فروتن نینگ ایتیشیچه، افغانستان ده اینیقسه بدخشان ده کرونا کسل‌لیگی نینگ کوپه‌یگنی بیر چاغده، اولیم میزانی و واقعه‌لر کوپه‌یدی که یالغیز اوشبو اولیم‌لردن توسیق بولیش نینگ حل یولی اکسیژن ایدی.
اونینگ ایتیشیچه، ۲۰۱۹-ییل‌ده ولایتی کسل‌خانه‌ده اکسیژن ذخیره قیله‌آلمه‌گن بیر ماشین قوریلدی که، باشقه شعبه‌لر گه اکسیژن پمپ قیلر ایدی و شونینگدیک آیی‌ده قندوز ولایتی‌دن وارد بولگن و ۱۲۵۰ افغانی هزینه کوته‌رگن ۱۵۰ بالون، کسل‌لر گه کوپینچه مصرف ییتیشتیره‌ر ایدی؛ بیراق حاضر ایسه اوشبو قیین‌چیلیکلر حل بولگن.
بیزلرنینگ فیسبوک صحیفه‌میزگه باش اورینگ!
باشقه بیرتاماندن، بدخشان حاکم اورین‌باسری نثاراحمد احمدی، مذکور دستگاه‌سی نینگ قوریلیشی نی قشاق و نیازمند یشاوچیلر اوچون آسایشته‌لیک ایجاد قیله‌دی دیب و کوپه‌یتیریشیچه، ساغلیک بولیمی نینگ ترقیاتی زمینه‌سیده بویوک یوتوق حساب‌لنه‌دی.
ایتیش کیره‌ک که، کووید ۱۹ ویروسی نینگ کوپه‌یگنی بیرچاغده، یشاوچیلردن کوپ قطاری اکسیژن تنقیص‌لیگی باعث، جان بیردی. سونگی کون‌لرده مملکت بیرقطار ولایت‌لریده یاردم بیرووچی موسسه‌لر همکارلیگی بیلن اکسیژن ایشلب چیقرووچی دستگاه‌لر قوریلیب و فایده‌لنیش گه تاپشیریلگن.
