۲۰۲۴-ییل المپیک یاز رقابت‌لری نینگ بایسکل هیده‌ش مسابقه‌سیده، فاریاب‌لیک بایسکلچی «یولدوز هاشمی» آسیا بویلب ایکّینچی اوریننی اېگلله‌گن.
فرانسه پایتختی پاریس شهریده بولیب اۉته‌یاتگن المپیک یاز رقابت‌لری نینگ بایسکل هیده‌ش مسابقه‌سیده، فاریاب‌لیک بایسکلچی یولدوز هاشمی ۲۶- اوریننی اېگللب و آسیا مقیاسیده ایکّینچی بولگن.
بیزلرنینگ فیسبوک صحیفه‌میزگه باش اورینگ!
بایسکل هیده‌ش بولیمیده ۳۵ کیشی قتنشیب، آسترالیالیک بایسکلچی براون گراس «آلتین» مدالینی آلیب بیرینچی، بریتانیا و امریکا بایسکلچی‌لری ایکّینچی و اوچینچی بولگنلر.
سرپرست حکومت سپورت و جسمانی تربیه‌لش اداره باشلیغی احمدالله وثیق، اوشبو مسابقه‌لرده افغانستان نماینده‌لیگیدن اوچ ایرکک سپورتچی اشتراک قیلگنینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
۲۰۲۴-ییل المپیک یاز رقابت‌لری ۵-اسد، جمعه کونی فرانسه پایتختی پاریس شهری ده باشلندی و اوچ هفته گچه دوام تاپیشی کوتیله‌دی.
خلق‌ارا المپیک کمیته‌سی نینگ معلوماتی اساسیده، ۲۰۶ مملکت دن ۳۲ بولیمده قریب ۱۰ مینگ ۵۰۰ سپورتچی اشتراک اېتگن.
بوندن آلدین افغانستان بایسکلچیلر فدراسیونی ۱۰-جوزا فیسبوک صحیفه‌سیده، فاریاب یشاوچیسی فریبا هاشمی و یولدوز هاشمی، پاریس ده اۉتکزیلیشی ریجه‌لشتیریلگن بایسکلچیلر بیللشووی ده یول تاپیب و بو مسابقه ده افغانستان بایسکلچیلر نماینده‌لیگیدن اشتراک اېتیش جوازینی قولگه کېریتگنلریدن خبر بیرگن اېدی.
