غور محلی مسئوللری نینگ ایتیشلریچه، بوگون اوشبو ولایت نینگ لعل و سرجنگل تومنی «دهن‌چهار آسیاب» قیشلاغیده، اسلامی امارت کوچلری و بیر محلی قوماندان آره‌سیده توقنشوو یوز بیرگن.
غور حاکمی سوزلاوچیسی عبدالواحد حماس بیر بیانیه ترقه‌تیب ایتیشیچه، اسلامی امارت کوچلری مهدی مجاهد طرفداری و سرپل ولایتی محلی قوماندان‌لریدن بولمیش محمد مرادی نی قولگه آلیش چاغیده توقنشوو یوز بیرگن.
بیزلرنینگ فیسبوک صحیفه‌میزگه باش اورینگ!
بیانیه اساسیده، اوشبو توقنشوو نتیجه‌سیده، محمد مرادی ۵ قوریقچیسی بیلن هلاک بولگن و قوماندان مرادی نینگ اوغلی یره‌لنگن.
بیانیه ده کیلیشیچه، مذکورعملیات ده اوچ میل کلاشینکوف، بیر میل تفنگچه و ایکی موتر سایکل اسلامی امارت کوچلری قولیگه توشگن.
باشقه تاماندن، غور لواسی مطبوعاتی دفتری بیر بیانیه ترقه‌تیب ایتیشیچه، اوشبو آتیشمه ده اسلامی امارت کوچلری دن بیری جان بیریب و باشقه ایکیته‌سی یره‌لنگن.
بیزلرنینگ توییترده هم تعقیب قیلینگ!
بیراق محلی منبع‌لر نینگ سلام‌وطندار گه ایتیشلریچه، مذکور توقنشووده محمد مرادی شامل ایکی عیال هلاک بولگن.
عین‌حالده، اوتگن کونی غور امنیه قوماندان‌لیگی مطبوعاتی دفتری بیر بیانیه ترقه‌تیب، سابق مردمی خیزش کوچلری قوماندان‌لریدن بیری اوشبو تومن نینگ «دهن‌تگه غال» قیشلاغیده اسلامی امارت کوچلری بیلن توقنشگنینی ایتگن ایدی.
