خلق‌ارا آزیق-آوقت دستوری، جمعه کونی، ۱-جدی، بیر بیانیه آرقه‌لی ایتیشیچه، حاضر افغانستان ده ۱۶ میلیون کیشی ییگولیک ماده گه محتاج دیر. شونینگدیک مذکور کون امریکا نماینده‌لر مجلسی تشقی رابطه‌لر کمیته‌سی نینگ ایتیشیچه، افغانستان ده ۱۲ میلیون‌دن آرتیق کیشی جدی آچلیک بیلن روپه‌ره بولیب و اولردن ایکی میلیونی نینگ سرپرست‌لیگی عیاللر بوینیگه دیر.
امریکا نماینده‌لر مجلسی نینگ تشقی رابطه‌لر کمیته‌سی گه کوره، آنه‌لردن قطاری باله‌لری نینگ آرام قیلیش اوچون حتا، آنتی‌هستامین‌لردن قوللنه‌دیلر. آنتی‌هستامین‌لر مست قیلووچی دارولردن دیر و زهرلنیش اوچون قوللنیله‌‌دی.
شونینگدیک امریکا نماینده‌لر مجلسی و خلق‌ارا آزیق-آوقت دستوری نینگ ایتیشیچه، نیازمندلر قیین‌چیلیگی نی حل قیلیش اوچون ییترلی بودجه یوق دیر.
بیزلرنینگ «ایکس» ترماغی ده هم تعقیب قیلینگ!
عین حالده، قشاق و نیازمند کیشی‌لر ییگولیک ماده‌لر قیمتی یوقاریلیگی و درآمد‌لری یوقلیگی‌دن شکایت قیلیب و ایتیشلریچه، نیازلری بولگن ییگولیک ماده‌لر نی تأمین‌لش گه کوچلری ییتمه‌یدی.
کابل یشاوچیسی بولمیش ۴۰ یاشر محمدصابر نینگ ایتیشیچه، بیر ایاغی فلج دیر و هر کون شهر نینگ سرک‌لری یانیده پلاستیکی آفتابه‌لر نی ساتیش اوچون سعی و حرکت قیله‌دی؛ بیراق بیر کون جریانیده ایکی-اوچ آفتابه ساته‌دی و بو یول آرقه‌لی قولگه کیلتیره‌دیگن درآمد، عایله نیازلری نی تأمین‌لش خصوصیده ییترلی ایمس. او، قشاق‌لیک و حیات قیین‌چیلیک‌لریدن نالیب و ایتیشیچه، کوپینچه پیت بیر قوروق نان نی تیار‌لش گه هم کوچی ییتیشمه‌یدی.
اونینگ کوپه‌یتیریشیچه: «حیات قیین دیر، ایرتنگ‌دن آخشم‌گچه عصا بیلن یوریمن. ایکی-اوچ ته‌دن کوپراق آفتابه ساته آلمه‌یمن. عایله‌ده ۶ کیشی‌میز و باشقه نان کیلتیره‌دیگن کیشی یوق. ییگولیک ماده‌میز یوق. یاقیلغی ماده‌میز یوق.»
شونینگدیک ۱۰ کیشی‌لیک عایله سرپرستی بولمیش کابل یشاوچیلریدن باشقه بیری گل‌بیگم نینگ ایتیشیچه، باله‌لری گه بیر لقمه نان تاپیش اوچون، اهالی اویی گه باریب کییم-کیچک یووه‌دی؛ بیراق بو ایش‌دن آز درآمد قولگه کیلتیریشی سبب، بعضی پیت شهر سرک‌لریده تیلنچی‌لیک قیلیش گه مجبور بوله‌دی. اونینگ کوپه‌یتیریشیچه: «هیچ نرسه‌میز یوق، باله‌لریم اوچون نان تیله‌یمن. ییتیمیم بار، حاضر اویی‌میز چکک قیلگن. ایش قیله‌دیگنیم هیچ بیر کیشی یوق و اوزیم ایشله‌یمن. اهالی اویی گه باریب کییم یووه‌من و بعضی پیت تیلنچی‌لیک قیله‌من. حاضرگچه یاقیلغی ماده آلگنی‌میز یوق.»
بیزلرنینگ فیسبوک صحیفه‌میزگه باش اورینگ!
اسلام امیر‌لیگی اقتصاد وزیرلیگی خلق‌ارا چیکلاو‌لرینی، مملکت‌ده قشاق‌لیک میزانی یوقاری کیتیشی نینگ اساسی سببلریدن بیری عنوان قیلیب و افغانستان ده قشاق‌لیک میزانی کمه‌یشی اوچون اوشبو وزیرلیک نینگ سعی و حرکت‌لری‌دن ایشانچ بیرگن.
اقتصاد وزیرلیگی سوزلاوچیسی عبدالرحمان حبیب نینگ سلام‌وطندار گه ایتیشیچه: «مملکتی‌میزده قشاق‌لیک اوتمیش‌دن قالگن، دنیا جماعه نینگ ترقیاتی یاردم‌لری کیسیلیشی، افغانستان ده قشاق‌لیک میزانی یوقاری کیتیشی اصلی عامل‌لریدن دیر. اوشبو وزیرلیک مذکور قیین‌چیلیک حلی اوچون، ایچکی تولید‌لر رواجلنیشی و کیچیک و بویوک صناعت رواجلنیشی و کلیدی سکتور‌لر خصوصیده سرمایه یاتقیزیلیشی خصوصیده توجه قره‌تگن.»
افغانستان ده قشاق‌لیک درجه‌سی یوقاریلیگی جمهوریت توزومی نینگ سونگی ییل‌لری گه توغری کیله‌دی که، اسلام امیر‌لیگی نینگ قدرت گه ایریشگنی‌دن کیین، ترقیاتی لایحه‌لر توخته‌گنی و خلق‌ارا یاردم‌لر کمه‌یشی سبب، کوپه‌یگن دیر.
