ییتکیرمه‌لر خطالرینی تیکشیریش کمیسیونی مسئوللری نینگ ایتیشلریچه، سه‌شنبه کونی، ۴ میزان، اوشبو کمیسیون نینگ ایکینچی ییغیلیشی ده، ایچکی میدیالر و خبرچیلر، اسلام امیرلیگی تامانیدن رسمی روشده جوازی بولمه‌گن ییتکیرمه‌لر بیلن همکارلیک قیلمسلیگی باره‌سیده قرار قیلینگن.
ییتکیرمه‌لر خطالرینی تیکشیریش کمیسیونی کاتبی و اوشبو کمیسیون نینگ نشرات آمری عبدالواحد ریان گه کوره، اوشبو قرار کمیسیون قراری دن کیین معلومات و مدنیت وزیرلیگی گه یوباریلگن.
او نینگ ایتیشیچه: «مقصدیمیز اسلام امیرلیگی تامانیدن رسمی روشده جوازی بولمه‌گن ییتکیرمه‌لر دیر، ایچکی خبرچیلر و ییتکیرمه‌لر بولر بیلن همکارلیک قیلمسلیگی باره‌سیده قرار آلیندی.»
بیزلرنینگ فیسبوک صحیفه‌میزگه باش اورینگ!
تشقی ییتکیرمه‌لر بیلن همکارلیک قیله‌یاتگن خبرچیلردن بیرقطاری نینگ ایتیشلریچه، اولر هردایم حقیقت‌لرنی عکس ایتتیرگنلر بو قرار بیلن سوز ایرکین‌لیگی چیکله‌نیشی ممکن.
تشقی ییتکیرمه‌لردن بیرقطاری بیلن همکارلیک قیله‌یاتگن خبرچی عیاللردن بیرقطاری نینگ ایتیشلریچه، عیاللر و بشری حقلر اوچون حقیقت‌لرنی بیان قیله‌دیگنلر گه رخصت بیریلیشینی سوره‌یدیلر.
مستعار ایمسلی نوریه نینگ کوپه‌یتیریشیچه: «بو ایش و بو قرار بیلن ایشیمیز قیین بوله‌دی، بو قرار بیلن سوز ایرکین‌لیگی اوستیگه باسیم کیلتیره‌دیلر، بیز همان هر یول بیلن ایشلریمیز گه دوام بیرماقده‌میز، حقیقت‌لرنی عکس ایتتیریش اوچون ییتکیرمه‌لر گه فرصت بیریلیشی کیره‌ک.»
مستعار اسملی زرگل گه کوره: «مین تشقی ایکی ییتکیرمه بیلن همکارلیک قیله‌من، ایکیله‌سی عیاللر نینگ زیان‌لری و بشر حقلری ساحه‌سیده فعالیت قیله‌دی، بیز جمعیت ده‌گی حقیقت‌لرنی یازه‌میز بیز گه فرصت بیریلیشی کیره‌ک.»
ییتکیرمه ساحه‌سیده فعاللردن بیرقطاری، ییتکیرمه‌لر خطالرینی تیکشیریش کمیسیون قرارینی، ییتکیرمه‌لر قانون_قاعده‌لری گه قرشی بیله‌دیلر.
بیزلرنینگ «ایکس» ترماغی ده هم تعقیب قیلینگ!
افغانستان ایرکین میدیالریدن حمایت قیلووچی نهاد (نی) باشلیغی ظریف کریمی نینگ ایتیشیچه، ایریم مسئله‌لر شفافیت و حساب بیریش نی تأمین قیله‌دی، معلومات‌لری ییتکیرمه‌لر بیلن شریک قیلینیشی کیره‌ک.
او نینگ کوپه‌یتیریشیچه: «کمیسیون بو قرارینی قیته کوریب چیقیشی کیره‌ک، تورلی مسئله‌لر شفافیت و حساب بیریش نی تأمین قیله‌دی معلومات‌لری ییتکیرمه‌لر بیلن شریک قیلینیشی درکار، معلومات گه قول تاپه آلمسلیک، افغانستان ده سوز ایرکین‌لیگی و میدیالر نینگ فعالیتی اوستیگه سلبی تأثیر قیله‌دی.»
ییتکیرمه‌لر خطالرینی تیکشیریش کمیسیونی، اوشبو قرار خصوصیده هیچ نرسه دیمه‌ی و تشقی میدیالردن مقصد‌لری قیسی ییتکیرمه ایکنی حقیده ایضاح کیریتمه‌گن.
