افغانستان نینگ بیرلشگن ملتلر تشکیلاتیده دایمی نماینده سرپرستی نصیراحمد فایق، اوتگن کون (چهارشنبه، ۱۱ عقرب) بیرلشگن ملتلر تشکیلاتی نینگ انسان حقلری شوراسی ییل‌لیک گزارشی گه دایر اوشبو تشکیلات نینگ عمومی ییغینیده، افغانستان ده انسان حقلری وضعیتیدن خواطر بیلدیرگن.
جناب فایق، افغانستان ده خاتین قیزلر احوالیدن خواطر بیلدیریب ایتیشیچه، اسلامی امارت تامانیدن خاتین قیزلر گه چیکلاو یره‌تیلیشی، اولر نینگ اساسی حقوق‌لریدن محروم قیلیش، کنوانسیون‌لر و انسان حقلری شرطنامه‌لری گه ضد دیر.
بیزلرنینگ فیسبوک صحیفه‌میزگه باش اورینگ!
اسلامی امارت افغانستان نینگ بیرلشگن ملتلر تشکیلاتیده دایمی نماینده‌لیک سرپرستی نصیراحمد فایق نینگ سوزلری گه مناسبت بیلدیریب ایتیشیچه، افغانستان نینگ بیرلشگن ملتلر تشکیلاتی عمومی ییغینیده هیچ بیر نماینده‌سی یوق و بو سوزلر جناب فایق نینگ شخصی فکری دیر.
باشقه تاماندن، عیال حقوقی فعاللریدن بیر قطاری، جناب فایق نینگ سوزلرینی تصدیقلب ایتیشلریچه، اوتگن بیر ییل ده عیاللر تعلیم و ایش حقیدن محروم ایتیلگنلر.
عیال حقوقی فعاللریدن محبوبه سراج نینگ ایتیشیچه، اسلامی امارت عیاللرنی جامعه دن حذف قیلیب و تعلیم و ایشلش‌لری گه توسیق بولگن. خانم سراج، اسلامی امارت دن افغانستان خاتین قیزلری نینگ خواهش_اراده‌لری برابریده بی فرق بولمسلیگینی طلب قیله‌دی.
محبوبه سراج گه کوره: «بوگونلیک کونده عیاللر تعلیم حقیدن محروم ایتیلگن. اوز خواهش‌لری بیلن کییم کییش حقلری یوق، شفاکار گه باریش حقلری یوق، بوتونلی آلگنده خاتین‌لر نینگ انسان حقلری ایاغ آستی بولگن و بیز اسلامی امارت دن، خاتین قیزلر نینگ خواهش_ایسته‌گیگه دقت قیلیشینی طلب قیله‌میز.»
بیزلرنینگ توییترده هم تعقیب قیلینگ!
عین‌حالده، اسلامی امارت حاکمیت نی قولگه آلیشی بیلن، افغانستان بویلب آلتینچی صنف دن یوقاری قیزلر یوزی گه مکتب‌لر یاپیلیب و دولت اداره‌لریده بیرقطار خاتین‌لر ایشلریدن بوشه‌تیلگن.
