پروان خوفسیزلیک مسئوللری نینگ ایتیشلریچه، اوشبو ولایت نینگ مرکزی گه قره‌شلی «تتمدرۀ پایین» قیشلاقی نینگ ملکی نامعلوم قوراللی کیشی‌لر تامانیدن ترور ایتیلگن.
پروان امنیه قوماندان‌لیگی سوزلاوچیسی محمدکامران حبیبی نینگ سلام‌وطندار گه ایتیشیچه، «سردار ملک» گه مشهور محمد رحیم اسملی مذکور کیشی پروان مرکزی چاریکار شهری نینگ «تتمدرۀ پایین» قیشلاغی اصلی یشاوچیسی دیر.
بیزلرنینگ فیسبوک صحیفه‌میزگه باش اورینگ!
جناب حبیبی گه کوره، محمدرحیم بوگون (چهارشنبه، ۵ اسد) ایرته‌لب ساعت ۷:۱۰ اطرافیده مذکور قیشلاق نینگ «قلعۀ صحرایی» قتناو یولیده قوراللی نامعلوم کیشی‌لر تامانیدن اولدیریلگن.
پروان امنیه قوماندان‌لیگی سوزلاوچیسی بوتوغریده کوپ معلومات بیرمسه ده، اما محمدرحیم قرینداش‌لری دن قطاری نینگ سلام‌وطندار گه ایتیشلریچه، اوشبو کیشی تخمیناً ۵۵ یاشر ایدی، تتمدره قیشلاقی ملکی ایدی و شونینگدیک بو قیشلاق ده دکاندارلیک کسبی بیلن مشغول ایدی.
محمدکامران نینگ کوپه‌یتیریشیچه، اوشبو واقعه گه باغلیق کیمسه قولگه آلینمه‌گن و استخبارات نینگ کشفی کوچلری حادثه عامللرینی قولگه آلیش مقصدیده سعی و حرکت قیلماقده‌لر.
بیزلرنینگ توییترده هم تعقیب قیلینگ!
تتمدره قیشلاغی نینگ ملکی عین‌حالده ترور بولگن که نیچه کون آلدین مطبوعاتی ییغینده اشتراک ایتگن پروان امنیه قوماندان‌لیگی، سونگی نیچه آی جریانیده مذکور ولایت بویلب ایریم جنایی جرم‌لر گه باغلیق، ۲۵۰ کیشی توتقینلنیشیدن خبر بیرگن ایدی.
