سعودی عربستان نینگ الهلال کلوبی، سه‌شنبه کونی، ۲۴ اسد، ۱۵ آگست، برازیل‌لیک فوتبال یولدوزی نیمار نینگ اوشبو کلوب گه قوشیلگنیدن خبر بیرگن.
نیمار، پاری‌سن ژرمن کلوبی ده آلتی فصل فوتبال اوینیش دن کیین، کریستیانو رونالدو و کریم بنزما کبی سعودی عربستان کلوبی گه قوشیلگن.
بیزلرنینگ فیسبوک صحیفه‌میزگه باش اورینگ!
معلومات‌لر گه بناً، الهلال کلوبی پاری‌سن ژرمن گه ۹۰ میلیون یورو تولب و نیمار نینگ مذکور کلوب گه قوشیلیشینی قبول قیلگن. ۳۱ یاشر برازیل‌لیک فوتبال یولدوزی نیمار نینگ الهلال کلوبی ده ییل‌لیک حقوقی، قریب ۱۰۰ میلیون دالر دییلگن.
باشقه تاماندن، پاری‌سن ژرمن کلوبی باشلیغی ناصر الخلیفی نیمار نینگ اوشبو جماعه دن اجره‌لیشی باره‌سیده ایتیشیچه: «بویوک خاطره‌لرنی تجربه قیلدیک و نیمار اوشبو کلوب تاریخی نینگ بیر بولیمی حسابلنه‌دی. نیمار و عایله‌سیدن منتدارمن.»
بیزلرنینگ توییترده هم تعقیب قیلینگ!
نیمار پاری‌سن ژرمن کلوبی ده ۱۷۳ مسابقه ده ۱۸۸ گل اورگن.
بوندن آلدین کریستیانو رونالدو و کریم بنزما، سعودی عربستان نینگ النصر و الاتحاد کلوب‌لری گه قوشیلگنلر.
