خلق‌ارا قیزیل خاج کمیته، افغانستان‌ده انسان‌دوستلیک یاردم‌لر گه نیازمندلر سانی کوپه‌یشیدن خبر بیرگن. مذکور کمیته بوگون (سه‌شنبه، ۳ حوت) توییتر صحیفه‌سیده یازیشیچه، افغانستان‌ده انسان‌دوستلیک یاردم‌لر گه محتاج بولگنلر سانی، اوتمیش ییل گه قره‌گنده ۳۰ فایز کوپه‌یگن دیر.
خلق‌ارا قیزیل خاج کمیته نینگ کوپه‌یتیریشیچه، حاضر افغانستان‌ده ۲۴.۴ میلیون کیشی انسان‌دوستلیک یاردم‌لر گه نیازمند دیر.
بیزلرنینگ فیسبوک صحیفه‌میزگه باش اورینگ!
شونینگدیک بوندن آلدین، قیزیل خاج آگاه‌لنتیرگن ایدی که افغانستان‌ده یاردم بیرووچی گروه‌لر بشری فاجعه آلدینی آلیش گه کوچلری ییتمه‌یدی. اوشبو کمیته دنیا جماعه‌چیلیگیدن افغانستان یشاوچیلری گه یاردم بیریشلری نی سوره‌گن ایدی.
شونده‌ی بیرحالده، خلق‌ارا قوتقریش کمیته‌سی شونینگدیک بیر اعلامیه ترقه‌تیب افغانستان یشاوچیلریدن ۹۷ فایزی آچیلیک بیلن روپه‌رو بولگنلری نی اعلام قیلگن ایدی. مذکور کمیته افغانستان اسلامی امارت قدرت گه ایریشگنیدن ۶ آیدن کیین، اوشبو مملکت بویلب انسان پرورلیک یاردم‌لر گه محتاج بولگنلر سانی نینگ کوپه‌یگنی نی ایتگن ایدی.
خلق‌ارا قوتقریش کمیته افغانستانده‌گی فاجعه حل بولمه‌گن صورت‌ده، اوشبو مملکتده ۲۰ ییل اوروش تلفاتی‌دن آرتیق آچلیک رقمی کوپه‌یشیدن آگاه لنتیرگن. مذکور کمیته آمریکا و اروپا بیرلشمه ایالت‌لر رهبرلریدن بو مملکت اهالی‌سی اساسی نیازلری نی فراهم قیلیشلری اوچون افغانستان اقتصادی فاجعه‌سی نینگ حل قیلیشلری نی سوره‌گندی.
بیزلرنینگ توییترده هم تعقیب قیلینگ!
خلق‌ارا قوتقریش کمیته نینگ بیانیه‌سیده افغانستان‌ده میلیون‌لرچه عایله ناامید قیلووچی بیر وضعیت‌ده قرار تاپگنلری کیلگن ایدی. اوشبو کمیته گه کوره، حاضر افغانستان‌ده ۲۳ میلیون کیشی ییگولیک خوفسیزلیگی بیلن روپه‌رو دیر و بیر میلیون باله اینگ یامان توییب آوقتلنمسلیک خوفی گه دوچ دیر.
اسلامی امارت قدرت گه ایریشگنی و سابق دولت نینگ سقوط قیلگنیدن کیین، افغانستان مرکزی بانکی نینگ سرمایه‌لری باغلنیب و شونینگدیک خلق‌ارا جماعه نینگ یاردم‌لری کیسیلگن. بو موضوع مملکتده اقتصادی فاجعه، ایش‌سیزلیک و آچیلیککه سبب بولگن.