ناتو باش کاتبی ینس استولتنبرگ، قطر ده افغانستانلیکلرارا سوزلشوولرنینگ برابریده‌گی قیینچلیکلر حل بولگنی نی خوش قرشی‌لگن.
اوتگن کون (چهارشنبه ۱۲- قوس) دولت و طالبان هیأت‌لری، ایکی تامان تینچلیک سوزلشوولری طرزالعملی نینگ مقدمه‌سی اوستیگه کیلیشیب و بو طرزالعمل نهایی بولگنی نی اعلام قیلیشدی.
افغانستان دولت هیأتی اعضاسی نادر نادری و قطر ده طالبان هیأتی سوزلاوچیسی محمد نعیم نینگ ایتیش‌لریچه، حاضر ایکی تامان تینچلیک سوزلشوولری نینگ آجنداسی اوستیگه مذاکره باشله‌گن.
بروکسل ده خبرچی‌لردن بیری لیلما سدید نینگ سلام‌وطندارگه ایتیشیچه، استولتنبرگ ناتو تشکیلات تشقی ایشلر وزیرلری نینگ ایکینچی ییغینیده، مذکور تشکیلات اعضالری افغانستان وضعیتی یخشی‌لنگونگه قدر بو مملکتده قالیشی نی بیلدیرگن.
خانم سدید گه کوره، شونینگدیک مذکور ییغینده ناتو باش کاتبی نینگ اورغولشیچه، اوشبو تشکیلات گه اعضا مملکتلر کیله‌جک ییل فبروری آیی‌ده، افغانستان وضعیتی نی تیکشیریش بیلن «بو مملکتده قالیش یا-ده ناتو کوچلری کمه‌یشی ریجه‌سی خصوصیده بویروغ صادر قیلیش‌لرینی» اعلام قیله‌دی.
ینس استولتنبرگ آمریکا نینگ تنلنگن جمهوررئیسی جوبایدن دن، تحلیف مراسمی اوتگندن کیین افغانستان وضعیتی خصوصیده سوزلش اوچون بروکسل گه سفر قیلیب و مذکور مملکتده حربی حضورلری حقیده قوشمه قرار آلیش‌لرینی سوره‌گن.
خانم سدید گه کوره، مذکور ییغینده ناتو باش کاتبی نینگ آگاه‌لنیتریشیچه: «افغانستان دن تیز چیقیش، ایکی دهه یوتوق‌لری نینگ قولدن کیتیش خصوصیده خوف چیقاره‌دی. بیراق شونده‌ی بیر حالده اورغولشیچه، ناتو کوچلری نینگ حضوری افغانستان ده خوفسیزلیک وضعیت نی قیین قیله‌دی.»
شونینگدیک او، افغانستان ینه بیر بار خلق‌ارا ترورچیلر اوچون تینچ اویه گه اوزگرمه‌سلیگی اوستیگه اورغوله‌گن.
ایکی کون آلدین ینس استولتنبرگ مذکور تشکیلات تشقی ایشلر وزیرلری نینگ ییغینی عرفه‌سیده، افغانستان ده حربی حضوری و هم بو مملکتده چیقیش اوچون بها تولله‌نیشی کیره‌ک دیگن ایدی.
عین حالده، افغانستان تینچلیگی بوییچه آمریکا خاص نماینده‌سی زلمی خلیل‌زاد توییتر صحیفه‌سیده یازیشیچه: «افغانستان دولتی و طالبان گروهی هیأت‌لری سیاسی یول نقشه‌سی و هر تامانلمه آتیش کیسین تأمین ایتیلیشی اوچون، اوچ صحیفه‌لیک بیر سند اوستیگه کیلیشگن.»
اونینگ کوپه‌یتیریشیچه: «افغانستان اهالیسی حاضر سیاسی یول و آتیش کیسین برنامه‌سی نینگ آلغه کیتیشی نی ایسته‌یدی. بیزلر اولرنینگ آرزولرینی بیله‌میز و اوندن حمایت قیله‌میز.»
شونینگدیک قطر دولتی تینچلیک سوزلشوولری طرزالعملی نینگ مقدمه‌سی اوستیگه کیلیشیلگنی نی خوش قرشی‌لب و اونینگ افغانستانلیکلرارا سوزلشوولرگه «عطف نقطه‌سی» دیگن.
عین حالده، جمهورلیک ریاستی مذکور کیلیشوو نی خوش قرشیله‌گن. جمهورلیک ریاست سوزلاوچیسی صدیق صدیقی بیر توییت آرقه‌لی یازیشیچه: «افغانستان جمهورلیک ریاستی، دوحه ده مذاکره طرزالعملی نهایی بولگنی نی اصلی سوزلشوولر باشله‌نیشی و افغانستان اهالیسی نینگ ایسته‌گی حقیده بیر یوتوق دیب و اونینگ خوش قرشی‌لگن.»
شونینگدیک مصالحه عالی کینگش باشلیغی عبدالله عبدالله بیر توییت یازیب بو خبرنی خوش قرشی‌لگن و اونینگ تینچلیک سوزلشوولری آلغه کیتیشی اوچون کتته اَدیم دیگن. جناب عبدالله قطردن افغانستانلیکلرارا سوزلشوولردن میزبانلیک قیلیشی و شونینگدیک افغانستان تینچلیک پروسه‌سیدن حمایت قیلیووچیلر باشقه مملکت‌لردن قدردانلیک قیلگن.
