بلخ ولایتی سپورت و جسمانی تربیهلش ریاستی مسئوللری، اوشبو ولایتده اولاق (اوغلاق) ملی اویینلری، هوا ساویشی بیلن باشلنگنیدن خبر بیرگنلر.
مذکور ادارهنینگ معلوماتیگه کوره، بلخ، سمنگان و جوزجان ولایتلریدن ۶۰ دن آرتیق چاپندازنینگ اشتراکی بیلن، ۱۶-عقرب، جمعه کونی بو ولایتده اولاق اویینلری باشلنگن.
بلخ ولایتی اولاق فدراسیونی باشلیغی سرور بای قریشی گه کوره، اوشبو اویینلر اولاق سپورتی رواجلنیشی و قۉللب-قوتلنیشی همده ملَکهلی چاپندازلرنینگ تانیش مقصدیده باشلنگن.
شو بیلن بیرگه، سپورتچیلردن بعضیلری بو کبی اویینلر اۉتکزیلیشیدن خورسندلیک قیلیب، اولاق اویینلری بیرلیک و بیردملیکلر گه سبب بولیشینی اېتهدیلر.
اولاق مملکتنینگ سپورت بوییچه اویینلریدن بیری بولیب اینیقسه افغانستاننینگ شمالیده کوپینچه طرفدار گه ایگه. اولاق اۉزبېکلرنینگ سابقهلی و عنعنهوی اویینلریدن حسابلنهدی.
