عالی اوقوو وزیرلیگی یشش محیط دن حفاظت قیلیش ملی اداره همکارلیگی بیلن ننگرهار بیلیم یورتی ده اوشبو هفته «اقلیم اوزگریش» عنوانی ده خلق‌ارا ییغیلیش دن میزبان‌لیک قیلیشی کوتیله‌دی.
بو وزیرلیک مسئوللری اوشبو ییغیلیش اوتکزیلیشیدن مقصد ایچکی و چیت‌ایل بیلیم یورت‌لری استادلری نینگ علمی و تحقیقی مقالری نتیجه‌لرینی شریک قیلیش و افغانستان ده ده اقلیم اوزگریش تاثیرلرینی بحث گه آلیش عنوان قیله‌دیلر.
عالی اوقوو وزیرلیگی نینگ علمی معینی لطف‌الله خیرخواه بوگون (دوشنبه، ۱۶-دلو)، کابل ده حکومت نینگ اطلاعات و ییتکیرمه‌لر مرکزی ده یولگه قوییلگن ییغیلیش ده ایتیشیچه، بو ییغیلیش ده افغانستان ده اقلیم اوزگریش تاثیرلری گه دایر ایچکی و چیت‌ایل بیلیم یورت‌لری استادلری نینگ علمی و تحقیقی قریب ۱۴۰ مقاله نتیجه‌لری شریک قیلینه‌دی.
بیزلرنینگ فیسبوک صحیفه‌میزگه باش اورینگ!
اونگه کوره: «بو ییغیلیش بیر مهم بیر مسئله اوچون اوتکزیله‌دی، بیز مملکت ده خوفلی اقلیم اوزگریشی بیلن دوچ میز؛ بو مسئله حیات اساسینی اوزگرتیره‌دی؛ ایکینیچلیک، ییشش مکان‌لرنی اوزگرتیرگن.»
خیرخواه نینگ کوپه‌یتیریشیچه، بو ییغیلیش نینگ غایه‌لریدن بیری، افغانستان دنیا مملکت‌لریدن اقلیم اوزگریشی طفیلی زیان‌لر اوچون یاردم بیریش‌لرینی ایسته‌یدی.
شو بیلن بیرگه، ننگرهار بیلیم یورتی علمی و تحقیقی مجله اورین باسری کفایت‌الله کاکر گه کوره، بو ییغیلیش دن سونگ ایچکی و دنیا سکیز مملکت بیلیم یورت‌لری استادلری نینگ بیر ییل‌لیک تحقیقی نتیجه‌سی، اقلیم اوزگریش تاثیرلری گه قرشی کوره‌ش اوچون پالیسی اداره‌لری گه ییچیم یوللر تکلیف قیلینیشی ممکن.
بیزلرنینگ «ایکس» ترماغی ده هم تعقیب قیلینگ!
او نینگ ایتیشیچه: «بو کنفرانس اوچ کون‌گچه ننگرهار ده یولگه قوییله‌دی، چین، بریتانیا، پاکستان، هندوستان، تورکیه، نایجریا، مالیزیا و تایلند دن علمی هیئت اشتراک ایتیشی کوتیله‌دی، ییغیلیش یکونیده فکر-ملاحظه‌لر ییغیلیب و علمی نتیجه پالیسی اداره‌لر بیلن شریک قیلینه‌دی.»
باشقه تاماندن، یشش محیط دن حفاظت قیلیش ملی اداره اورین باسری عبدالسلام حقانی گه کوره، اقلیم اوزگریشی افغانستان ده بشری برچه ساحه‌لرده سلبی تاثیر قویگن. «بو مملکت سونگی ۱۰ ییل ده چاروه‌چیلیک، ایکینچیلیک، وحش حیاتی قورغاقچیلیک طفیلی جبرلنگن؛ سوو تاشقین‌لری طفیلی بیر مینگ ۷۰۰ کیشی لادرک بولیب و ۱۰۴ مینگ هکتار ییر نی یوق قیلگن، ۲۱ میلیون کیشینی سوو ییتیشمسلیک قیینچلیگی بیلن دوچ قیلیب و مملکتده‌گی اورمان‌لر اوچ فایز دن بیر فایز گه کمه‌یگن.»
یشش محیط دن حفاظت قیلیش ملی اداره مسئوللری نینگ ایتیشلریچه، ۲۰۲۰-ییل ده سابق حکومت تامانیدن اوتکزیلگن تیکشیرو اساسیده، افغانستان اقلیم اوزگریش تاثیرلرینی باشقریش اوچون ۲۰ میلیارد دالر گه نیازمند دیر.
