دولت اداره‌لریده ایشلش توانی بولگن متقاعدلر و ناگرانلر نینگ ایش گه آلیش اوچون اسلام امیرلیگی کابینه‌سی نینگ قراری، متقاعدلر و ناگرانلر نینگ ایکی تامانلمه مناسبتی بیلن روپه‌ره بولگن.
متقاعدلردن بیرقطاری مذکور قرارنی خوش قرشی‌لب ایتیشلریچه، متقاعدلردن قطاری تجربه‌لی و مسلکی کیشی‌لر دیر و اداره‌لرده ایشلش توانی بار.
آلتی ییل آلدین نفقه گه چیققن کابل یشاوچیسی و ایچکی ایشلر وزیرلیگی نینگ سابق ایشلاوچیسی محمداسحاق گه کوره، ایکی ییل دن بیری متقاعدلیک حقوقی توللـه نیلمه‌گن
او نینگ کوپه‌یتیرشیچه: «بو؛ ایش توانی بولگن متقاعدلر و ناگرانلر اوچون یخشی خبر دیر، بو قرار عملی بولگن حالده متقاعدلر نینگ قیینچیلیگی حلی و اولر نینگ تجربه‌لریدن قوللـه‌نیش، دولت اوچون هم یخشی دیر.»
بیزلرنینگ فیسبوک صحیفه‌میزگه باش اورینگ!
افغانستان پولیس متقاعدی عسکرلر کینگشی باشلیغی شکرالله امان‌زوی، آلتی ییل آلدین نفقه گه چیققن ایتیشیچه: «اسلام امیرلیگی متقاعدلیک حقوقینی معاش گه حسابلمسه یخشی دیر، بیراق اسلام امیرلیگی متقاعدلیک حقوقینی معاش شکلده حسابله‌گن تقدیرده، متقاعدلر حقی گه کتته ظلم دیر. سابق تیزیم ده اوستیمیز گه ظلم قیلیب نفقه گه چیقردیلر، بیز گه ایش زمینه‌سی یره‌تیلیشی اوچون اوشبو قراردن حمایت قیله‌میز.»
متقاعدلر، ایکی ییل دن بیری، حقوق‌لری توللنمسلیگینی ایته‌دیلر. بیراق مالیه وزیرلیگی سوزلاوچیسی احمدولی حقمل نینگ ایتیشیچه، اسلام امیرلیگی رهبری تامانیدن متقاعدلر نینگ امتیازی تصویب بولمسلیگی سبب متقاعدلر نینگ حقوقی توللـه نیلمه‌گن.
او نینگ کوپه‌یتیریشیچه: «اوتگن ییلی متقاعدلر اوچون تورت میلیارد افغانی اجره‌تیلگن ایدی، بیراق بو طرح اسلام امیرلیگی رهبری تامانیدن تصویب بولگن یوق، بیز اسلام امیرلیگی رهبری نینگ بویروغینی کوتماقده‌میز.»
باشقه تاماندن، بیرقطار ناگرانلر نینگ ایشانچی گه کوره، حاضرگی کیسکین شرایط ده متقاعدلر ایش گه آلینیش قراری عملی بولیشی قیین دیر.
کابل یشاوچیسی میراجان ناگران‌لیک حقوقی توللنمسلیگیدن شکایت قیلیب ایتیشیچه: «تیریکچیلیک نی کیچه_کوندوز قیلیب اوتکزماقده‌میز، قیینچیلیگیمیز بیر آز حل بولیشی اوچون اوتگن هفته معاشیم‌نی آلیش گه بارگندیم، دکان‌لردن قرضدار من، اجاره اوی ده یشه‌یمن، ناگران من و قولیمدن هیچ نرسه کیلمه‌یدی.»
بیزلرنینگ توییترده هم تعقیب قیلینگ!
شونینگدیک، غور یشاوچیسی شریف، ناگران‌لیک حقوقی توللنمسلیگی خصوصیده ایتیشیچه: «ایشلش گه توانیمیز بار، حاضرگی شرایط ده درس اوقیب و دکترالیک حجت‌لری بولگنلر بیکار دیر، قنده‌ی بیزنی ایش گه آله‌دیلر، بو قرار عملی بولمسلیگینی اویله‌ی من، ناگرانلر کوپ قیینچیلیک بیلن دوچ دیر.»
عین‌حالده، شهیدلر و ناگرانلر وزیرلیگی نینگ ایتیشیچه، کوپ سانده ناگران‌لرنی ایش بیلن تأمینلشگن و اوشبو ییل ده‌هم سعی‌وحرکت‌لری گه دوام بیرماقده‌لر.
شهیدلر و ناگرانلر وزیرلیگی سوزلاوچیسی فیصل خموش نینگ سلام‌وطندار گه ایتیشیچه: «اوتگن ییلی قریب ۸۰ فایز ناگرانلر نینگ آی‌لیگی توللندی، آز کیشی‌لر نینگ حقوقی قالگن، بودجه اجره‌تیلیشی بیلن اولر نینگ آی‌لیگی هم توللـه نیله‌دی، بودجه تصدیقله‌نیشینی کوتماقده میز، بودجه تصدیقله‌نیشی بیلن ناگرانلر، بیوه‌لر و ییتیم‌لر نینگ آی‌لیگی توللـه نیله‌دی.»
اوتگن ایکی ییل ده، متقاعدلر و ناگرانلر کمبغل‌لیک سبب اقتصادی قیینچیلیک بیلن روپه‌ره بولیب و نیچه مراتبه حقوق‌لری توللنمسلیگی اوچون اعتراض قیلیشگن.
