افغانستان ده عبادتخانه‌لر مسئوللری، سیک و هندولر نینگ وضعیتیدن خواطر بیلدیریب ایتیشلریچه، اسلام امیرلیگی حاکمیت نی قولگه آلیشیدن کیین، ۹۰۰ دن آرتیق سیک و هندو باشقه اولکه‌لر مقصدی گه افغانستان نی ترک ایتگنلر و حاضر مملکتده سان‌لری آز قالگن.
سیک و هندولر عبادتخانه‌لری باشلیغی من مهندسنگ کورانا نینگ سلام‌وطندار گه ایتیشیچه: «اسلام امیرلیگی حاکمیتیدن کیین افغانستان ده ۹۰۰ دن آرتیق سیک و هندو بار ایدی و اسلام امیرلیگی اولر نینگ خوفسیزلیگی تأمین ایتیلیشیدن ایشانچ بیلدیرگندی لیکن کابل شهری کارته پروان ده اویوشتیریلگن هجوم دن کیین، سیک‌لر و هندولر مملکت نی ترک ایتدیلر و حاضر ۴۰ کیشی قالگن.»
بیزلرنینگ فیسبوک صحیفه‌میزگه باش اورینگ!
هندو فقرالریدن بیری امنیتی تهدیدلر باعث اسمی سر قالیش شرطی بیلن سلام‌وطندار گه ایتیشیچه، افغانستان نی ترک ایتیش قیین دیر و مجبور بولمه‌گونچه مملکت نی ترک ایتمه‌یدی.
اونینگ کوپه‌یتیریشیچه: «وطن، وطن دیر و باشقه مملکت وطن بوله آلمه‌یدی، یورت نی ایسدن چیقریش قیین و بو مملکت نی ترک ایتمه‌ی میز.»
اوتگن نیچه ییل ده، افغانستان ده سیک وهندولر نینگ عبادتخانه‌لریده نیچه مراتبه خودکش و پارتلش هجوم اویوشتیریلیب و اولردن کوپ قربانلیک آلگن.
بیزلرنینگ توییترده هم تعقیب قیلینگ!
اوشبو ییل ۲۸ جوزا ده، کابل شهری کارته پروان منطقه‌سیده ییرلشگن درمسال ده اویوشتیریلگن هجوم ده سیک‌لردن بیری هلاک بولدی.
مذکور هجوم دن کیین، ۵۵ سیک و هندو اوشبو ییل میزان آی ده مخصوص پرواز ده، هندوستان مقصدی گه افغانستان نی ترک ایتدیلر.
