اسلامی امارت تشقی ایشلر وزیرلیگی نینگ سرپرستی امیرخان متقی بوگون «آنتالیا دیپلماسی انجمن ییغینی» نینگ عرفه‌سیده صحبت قیلیب، ایتیشیچه، افغانستان یشاوچی‌لری خصوصی تیزیم ایسته‌یدیلر و اسلامی امارت اولرنینگ حق و فکرلری گه حرمت قایل بوله‌دی.
جناب متقی نینگ کوپه‌یتیریشیچه، اسلامی امارت همه‌شمول حکومت ایجاد قیلیش اوچون سعی و حرکت قیله‌دی. باشقه بیر تاماندن، تشقی ایشلر وزیرلیگی سرپرستی نینگ ایتیشیچه، افغانستان بودیجه‌سی ۲۰ ییل‌دن کیین، ایچکی درآمدلردن تمویل بوله‌دی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اسلامی امارت سوزلاوچی اورین باسری بلال کریمی نینگ سلام‌وطندار گه ایتیشیچه، ترکیه نینگ رسمی تکلیفی گه بناً اسلامی امارت‌دن بیر هیأت آنتالیا دیپلماسی انجمن ییغینی گه شرکت قیلگن دیر. اونگه کوره، مذکور ییغین عرفه‌سیده اسلامی امارت نماینده‌لری قطر، آمریکا و باشقه مملکت‌لر نینگ نماینده‌لری بیلن، ایکی تامانلمه و اوچ تامانلمه ییغین اوتکزگنلر.
بلال کریمی نینگ کوپه‌یتیریشیچه، مذکور ییغین گه اسلامی امارت نماینده‌لری نینگ سفریدن مقصد، دنیا مملکت‌لری بیلن رسمی و دیپلماتیک مناسبت‌لری نی مستحکم قیلیش دیر. اونگه کوره، اسلامی امارت دنیا مملکت‌لری بیلن، دیپلماتیک مناسبت‌لرینی کوچه‌یتیریش اوچون سعی-حرکت قیلماقده‌لر.
شونده‌ی بیرحالده، مملکت سیاسی ایش بیلرمان‌لردن قطاری نینگ ایتیش‌لریچه، حاضر مملکت بوییچه تینچلیک برقرار بولگن و افغانستانده اسلامی امارت نینگ رسمیت گه تانیلیشی کیره‌ک. سیاسی مسئله‌لر ایشلری بوییچه ایش بیلرمان نور رحمان جاذب نینگ سلام‌وطندار گه ایتیشیچه، افغانستان اوچون اسلامی امارت نینگ رسمیت گه تانیش‌دن باشقه هیچ بیر حل یول یوق دیر.
بیزلرنینگ توییترده هم تعقیب قیلینگ!
شونینگدیک سیاسی ایش بیلرمان‌لردن بیری نور‌شاه نورانی نینگ ایتیشیچه، اسلامی امارت رسمیت گه تانیلیش اوچون دنیا جماعه‌چیلیگی نینگ برچه شرط‌لری نی عملی قیلگن. جناب نورانی نینگ کوپه‌یتیریشیچه، اسلامی امارت رسمیت گه تانیلمه‌گن صورت‌ده، افغانستان اهالی‌سی تورلی قیین‌چیلیک‌لر بیلن روپه‌رو بولیشی ممکن.
ایتیش کیره‌ک که، آنتالیا دیپلماسی مجمع ییغینی بویوک دیپلماتیک بیر ییغین دیر که دنیا قیین‌چیلیکلری‌نی حل قیلیش اوچون دیپلمات‌لر، رهبر‌لر و سیاست‌چیلر آره‌سیده یولگه قوییلگن. مذکور ییغین نینگ ایکینچی دوری جمعه کونی ترکیه‌ده باشلندی و یکشنبه کونگچه دوام قیلیشی ممکن. اوشبو ییغین نینگ بیرینچی دوری ۲۰۲۱-ییل‌ده یولگه قوییلگن ایدی.
