بوگون (جمعه، ۲۰-حوت) «آنتالیا دیپلماسی مجمع» ییغینی نینگ ایکینچی دوری اروپا بیرلشمهسی، ناتو ییریک رسمیلری، بیرلشگن ملتلر تشکیلاتی، دنیا و منطقه مملکتلردن قطاری نینگ حضوری و «دیپلماسی نینگ قیته لایحهلش» شعاری بیلن باشلنیشی گه قرار آلینگن.
ترکیه آناتولی خبرگزارلیگی نینگ گزارش بیریشیچه، مذکور ییغین ترکیهده خلقارا و منطقهیی مسلهلر نینگ تیکشیریش حقیده آنتالیا نینگ بلک شهریده، یولگه قویلهدی. «تینچلیک و اوروش خرهجتی»، «ناپایدار بیر چاغده رهبریتلیک» و «دیپلماسی و تینچلیککه آلیب بارهدیگن دنیا و مطنقهوی یوللر» اوشبو ییغینده صحبت اوتکزیلهدیگن اونملی موضوعلردن دیلگن.
بیزلرنینگ فیسبوک صحیفهمیزگه باش اورینگ!
اوچ کونلیک دوام قیلهدیگن اوشبو ییغینده، ترکیه گه کیتگن اسلامی امارت تشقی ایشلر وزیرلیگی سرپرستی امیرخان متقی، افغانستان نمایندهلیگیده نطق سوزلهیشی ممکن.
آناتولیدن نقل قیلینیشیچه، سیاسی حوزهلرده تورلی خلقارا و منطقهیی موضوعلر، عدالت، دنیا تینچلیگی نی برقرار قیلیش، دنیا ساغلیگی، «افغانستان؛ ینگی حقیقتلری بیلن دوچ کیلیشی» و باشقه بولیملر حقیده، اوشبو ییغین نینگ ۳۰ پنل چارچوبهسیده یولگه قویلیشی ممکن.
بیزلرنینگ توییترده هم تعقیب قیلینگ!
شوندهی بیرحالده، افغانستان تینچلیگی بوییچه آمریکا بیرلشمه ایالتی نینگ خاص نمایندهسی توماس وست، اوتگن کون توییتر صحیفهسیده مذکور مجمعده شرکت قیلیش اوچون ترکیه گه کیتگنیدن خبر بیرگن. اونینگ ایتیشیچه، مذکور ییغینده افغانستان بیلن خلقارا تعامل حقیده آمریکا نینگ اونملی شریکلری بیلن صحبت قیلیش گه قرار آلگن دیر.
افغانستان اسلامی امارت نینگ قدرت گه ایریشگنیدن کمیده ۷ آی اوتگنی بیلن، حاضرگچه اوشبو حکومت هیچ بیر مملکت تامانیدن رسمیت گه تانیلمهگن بیرحالده، تشقی ایشلر وزیرلیگی سرپرستی اوشبو ییغین گه شرکت قیلهدی.