بوگون قندهارده اسلامی امارت، دین عالم‌لری، قوم بویوک‌لری، سابق دولت نینگ قطار رسمی‌لری و باشقه یوزلب کیشی نینگ اشتراکی ییغین یولگه قویدی.
بوگون افغانستان ملی رادیو تلویزیونی اوز توییتری ده یازیشیچه، مذکور ییغینده قریب ۳۰۰۰ کیشی اشتراک قیلیب و ملی مسئله‌لر خصوصیده بحث ایتیش‌لری ممکن.
تشقی ایشلر وزیرلیگی نینگ سرپرستی امیرخان متقی، اوشبو ییغینده نطق سوزلب، دنیا جماعه‌چیلیگیدن افغان‌لرنی اوز حکومتلرینی تنلش خصوصیده‌گی ایشلری گه اره‌لشمسلیگینی طلب قیلگن.
بیزلرنینگ فیسبوک صحیفه‌میزگه باش اورینگ!
او یینه بیر مراتبه، اسلامی امارت دنیا بیلن تعامل قیلیشینی بیلدیریب و دنیا جماعه‌چیلیگیدن اسلامی امارت سرپرست حکومتینی رسمیت گه تانیشینی طلب قیلدی.
عین‌حالده، مذکور ییغینده امر معروف و نهی منکر وزیرلیگی نینگ سرپرستی محمدخالد حنفی گه کوره، اسلامی امارت مشروعیت گه قول تاپگن؛ چونکه مینگلب دین عالمی، قوم بویوک‌لری وباشقه قوم‌لر اسلامی امارت رهبری گه بیعت قیلگنلر.
اونینگ کوپه‌یتیریشیچه: «مشروعیت باشقه قنده‌ی بولسین، کابل شهری ده مینگلب دین عالمی، قوم بویوک‌لری و آقسقاللر امیرالمؤمنین گه بیعت قیلدیلر، اونلب قوم کتته کانی امیرالمؤمنین بیلن اوچره‌شیب و آرقه‌داشلیکلرینی اعلام قیلدیلر، مشروعیت باشقه قنده‌ی بولسین؟»
ایتیلیشیچه، اوشبو ییغینده اسلامی امارت رسمی‌لری جمله‌دن اسلامی امارت رهبری هبت‌الله آخوندزاده هم اشتراک ایتیشی کوتیله‌دی. مذکور ییغین اوتکزیلیشیدن اصلی مقصد، اسلامی امارت دن حمایت قیلیش دییلگن.
بیزلرنینگ توییترده هم تعقیب قیلینگ!
اسلامی امارت نیچه کون آلدین «افغانستان عالم‌لری بویوک ییغینی» عنوانیده کابل ده بویوک ییغین یولگه قویگن ایدی. اوشبو اوچ کون‌لیک ییغین یکونیده اشتراک ایتگنلر، ۱۱ ماده‌لیک بیر قطعنامه صادر قیلیب و افغانستان اسلامی امارت تیزیمیدن اوز آرقه‌داشلیکلرینی اعلام قیلدیلر.
قطعنامه اساسیده، ییغینده اشتراک ایتگنلر اسلامی امارت رهبری هبت‌الله آخوندزاده گه بیعت قیلیشگن. ایتیش کیره‌ک که اسلامی امارت نی حاضرگه قدر هیچ بیر مملکت رسمیت گه تانیمه‌گن.
