اسلامی امارت سوزلاوچیسی و معلومات و مدنیت وزیرلیگی نینگ معینی ذبیح الله مجاهد گه کوره، معارف وزیرلیگی قویاش ینگی ییل ده قیزلرنینگ مکتب‌لری آچیلیشی اوچون سعی و حرکت قیلماقده.
آسوشیتدپرس بیلن صحبت اوتکزگن جناب مجاهد، اسلامی امارت کیله‌سی ینگی ییل ده مملکت بویلب قیزلرنینگ برچه مکتب‌لری آچیلیشی نی امید قیله‌دی. مجاهد نینگ اورغولشیچه، قیزلر و عیاللرنینگ تعلیم آلیش مسئله‌سی، اوز قابلیت‌لری گه باغلیق.
اسلامی امارت سوزلاوچیسی نینگ ایتیشیچه، ایرککلر و قیز اوقووچیلری سبق اوقیش صنفی بوتونلی اَجره‌تیلیشی کیره‌ک. اونینگ اورغولشیچه، قیز اوقووچیلری اوچون اینک کتته قیینچلیک یاتاقخانه یوق‌لیگی دیر.
ذبیح الله مجاهد، گاوجوم ییرلرده قیز و ایرکک اوقوچی‌لر اوچون اَیری صنف‌لر بارلیگی ییترلی ایمس و باشقه بنا قوریلیشی لازم دیدی.
بیزلرنینگ فیسبوک صحیفه‌میزگه باش اورینگ!
عین حالده، افغانستان ده اسلامی امارتی حاکمیت نی قولگه آلگنیدن کیین، مملکت بویلب قیزلرگه عاید برچه مکتب لر یاپیلدی. اسلامی امارت نینگ حاکمیتیدن بیر آی اوتیشیدن کیین بیرینچی صنف دن آلتینچی صنف گچه قیزلرگه مکتب باریش ایزینی بیریلدی و بیرقطار ولایت‌لرده محل یشاوچیلری نینگ سعی و حرکتی بیلن آلتینچی صنف دن یوقاری قیز اوقووچیلری گه مکتب باریش اجازه‌سی بیریلدی.
اسلامی امارت نینگ بو حرکتی ایریم عکس العمل‌لرگه روپه‌رو بولگن، بیراق اسلامی امارت رسمی‌لری قیزلرگه اسلام قاعده‌لری گه اساس اوقیش اجازه‌سی بیریلیب و قیزلرنینگ مکتب‌لری آچیلیشی اوچون ینگی ریجه اوستیده ایشله‌یاتکن‌لریدن ایشانچ بیرگنلر.