بوگون چهارشنبه افغانستان ده باله‌لر ایشی نینگ محو قیلیش پروژه باشله‌نیش برنامه‌سیده، ایش و اجتماعی ایشلر وزیرلیگی نینگ ایش معینی اجمل شاهپور نینگ ایتیشیچه، عایله‌لرنینگ خبرسیزلیگی و باله‌لر برابریده قویی باقیش، اولرنینگ ضرر کوریشی گه سبب بولگن.
اونگه کوره، افغانستان ده باله‌لر وضعیتی خواطرلی دیر و اولردن کوپینچه‌سی جاده‌لرده اَغیر ایشلر بیلن شغللنگن و جامعه ده اولرنینگ برابریده انسانی بیر دید یوق.
جناب شاهپور نینگ ایتیشیچه، افغانستان ده ایش باله‌لری نینگ آماری کونسایین کوپه‌یگن بیرحالده، مذکور وزیرلیک معلوماتی نینگ کورستیشیچه، منطقه مملکت‌لریده ایش باله‌لریدن کوپینچه‌سی هم افغانستان‌لیک باله‌لر دیر.
بیزلرنینگ فیسبوک صحیفه‌میزگه هم باش اورینگ!
باشقه بیر تاماندن ایش و اجتماعی وزیرلیگی ده باله‌لر بولیمی باشلیغی نجیب‌الله اخلاقی نینگ ایتیشیچه، افغانستان ده کمیده ۴ میلیون باله تعلیم دن محروم دیر.
اونگه کوره، تعلیم دن محروم قالگن باله‌لردن ۸۰ فایزی، ایش باله‌لریگه اوزگرگن که شونده‌ی بیرحالده، ایش باله‌لریدن ۶۰ فایزی تیز یاردم گه احتیاجی بار.
مذکور باله‌لردن ۲۰ فایزی باندلر و مافیایی ترماقلرنینگ قربانی‌سی بولگن و بولرنینگ باشقه ۲۰ فایزی ایسه عایله‌لری نینگ توشونچه میزانی قویی بولگنی باعث، ایش اوچون جاده‌لرگه هیدلگن.
- افغانستان باله‌لریدن کمیده یریم فایزی باله‌لر باغچه‌سیگه کیتیشه‌دی
- «باله‌لرنینگ ایرکین‌لیگی گه چیکلاو یره‌تیش باله‌لردن حمایت قیلووچی قانون گه قرشی دیر»
- افغانستان باله‌لری تعلیمات گه قول تاپیشی اوچون دنیا بانکی ۲۵ میلیون دالر یاردم بیرگن
- جاری ییلده دولتی کوچلر و دولت‌گه قرشی گروهی قطاریده باله‌لردن عسکر آلیش ۲۸% کوپه‌یگن
باله‌لر وضعیتی یمان بولگنی توغریسیده خواطرلر مطرح بولگن بیرحالده، خلق‌ارا ایش تشکیلاتی میلادی ۲۰۲۱- ییل نی باله‌لر ایشی محو ایتیلیش ییل نامله‌گن و شو یوزه‌دن، آسیا جنوبی ده باله‌لر ایشی محو ایتیش پروژه‌سینی یولگه قویگن.
بیزلرنینگ توییترده هم تعقیب قیلینگ!
افغانستان ده خلق‌ارا ایش تشکیلاتی یا-ده آیلو نماینده‌سی رامین بهزاد نینگ ایتیشیچه، مذکور پروژه اساسیده، افغانستان حکومتی باله‌لر ایشی محو ایتیلیشی مقصدی ده جدی اقدام‌لرنی قول آستیده آلیشی کیره‌ک.
افغانستان ده ایش باله‌لر آماری نی قویی کیلتیریش اوچون تأثیرلی پالیسی‌لرنی قول آستیده آلیش، ایش باله‌لری نینگ سلبی تأثیرات توغریسیده عامع معلوماتی نی یوقاری ایلتیش آسیا جنوبی ده باله‌لر ایشی محو ایتیش پروژه‌سی نینگ اساسی هدف‌لریدن دییلگن.
