معارف وزیرلیگی مسئوللری نینگ ایتیشلریچه، اوشبو وزیرلیک ۴۸ مینگ گه یقین اوقیتووچیلیک بَست آزلیگی بیلن روپه‌ره دیر و اولر معارف بولیمده بو بوشلیکنی تولدیریش اوچون سعی و حرکت قیلماقده‌لر.
مذکور وزیرلیک نینگ ایتیشیچه، حاضر معارف وزیرلیگی نینگ مجموعه تشکیلی بوتون افغانستانده ۲۷۴ مینگ بست گه ییتیشه‌دی.
بیزلرنینگ فیسبوک صحیفه‌میزگه باش اورینگ!
معارف وزیرلیگی تشکیلات بولیمی نینگ رئیسی محمد عمر دوران‌زی نینگ بوتوغریده ایتیشیچه: «بوندن آلدین مذکور وزیرلیک نینگ مجموعه تشکیلی۲۷۴ مینگ و ۲۳ بست ایدی و حاضر ۴۸ مینگ بست گه احتیاج بار.»
شونده‌ی بیرحالده، اسلامی امارت مسئوللری اعلام قیلگنلر که جاری ییل نینگ بودجه‌سیده ۱۶ مینگگه ییقین اوقیتووچیلیک بست نی معارف وزیرلیگی چوکاتیده کوپه‌یتیرگنلر.
عین‌حالده، معارف وزیرلیگی بوش بست‌لرنی اعلام گه قوییش پروسه دوامیده، بوگون ۷ مینگ بوش ینگی بست نی مملکت ۲۰ ولایت‌ده اعلام گه قوییدی.
بیزلرنینگ توییترده هم تعقیب قیلینگ!
معارف وزیرلیگی استخدام بولیمی نینگ رئیسی بسم‌الله نعمانی نینگ ایتیشیچه، ینگی اعلام بولگن بَست‌لردن ۲ مینگ و ۸۳ گه ییقین بست یالغیز عیاللر اوچون دیر.
ایتیش کیره‌ک دیرکه افغانستانده اسلامی امارت حاکم بولگندن کیین بو اوچینچی مراتبه دیرکه اوقیتووچیلرنینگ بوش بست‌لری اعلام گه قوییله‌دی.
معارف مملکت نینگ اونملی و کلیدی بولیم‌لریدن دیر، بو بولیم نیچه ییلردن بویان کوپینچه قینچیلیکلر بیلن روپه‌ره دیر، بیراق بو قیینچیلیکلر حاضرگچه حل ایتیلمه‌ی قالگن.
