افغانستان ده هزاره‌لر نسل کش‌لیگی توخته‌تیلیشی اوچون دادخواهی‌لیک آوازی، ملی چیگره‌لردن اوتیب دنیا قاره‌لری گه ییتگن.
جمعه کون – ۸ میزان، کابل غربی قسمیده جایلشگن کاج تعلیمی مرکزی گه خودکش هجوم اویوشتیریلیشی عاقبتیده اونلب قیز اوقووچی اولیب و یره‌لنیشیدن کیین، اوشبو دادخواهی‌لیک دنیا مملکت‌لری ده ینگره ماقده‌دیر.
مذکور هجوم گه باغلیق، خاتین قیزلر دنیا بویلب تورلی شهرلرده مدنی ناراضی‌لیک همایش اوتکزیب، افغانستان ده هزاره کش‌لیککه نقطه قوییلیشینی طلب قیله‌دیلر.
اوشبو اعتراض‌لر دوام ایتر ایکن، بوگون (شنبه، ۱۶ میزان) افغانستان فقرالری، دنیا بویلب ۹۰ دن آرتیق شهرده، ناراضی‌لیک همایش اوتکزیب و هزاره‌لر نسل کش‌لیگیگه چیک قییلیشینی سوره ماقده‌لر.
دنیا نینگ قطار شهرلریده، میزبان مملکت‌لر نینگ یشاوچیلری، افغانستان فقرالری بیلن، دادخواهی‌لیک قیلیب و افغانستان ده هزاره کش‌لیککه نقطه قوییلیشینی سوره‌گنلر.
بیزلرنینگ فیسبوک صحیفه‌میزگه باش اورینگ!
تورکیه نینگ انقره شهری ده ناراضی‌لیک همایش تشکیلاتچیسی مظاهر رئیس زاده نینگ سلام‌وطندار گه ایتیشیچه: «بو ناراضی‌لیک همایش‌لردن اصلی مقصد هزاره‌لر نسل کش‌لیگیگه چیک قوییش دیر، بیرلشگن ملت‌لر تشکیلاتی، خوفسیزلیک کینگشی و انسان حقلری شوراسی، طرف‌سیزلیک بیلن هزاره‌لر نسل کش‌لیگینی تیکشیریش‌لرینی ایسته‌یمیز.»
عین‌حالده، سونگی ییل‌لرده، افغانستان ده هزاره‌لر منطقه‌لری اینیقسه تعلیمی و مذهبی مرکزلری گه قانلی هجوم‌لر اویوشتیریلیب و یوزلب کیشی نینگ اولیب و یره‌لنیشیگه سبب بولگن.
ناراضی‌لیک همایش تشکیلاتچیلریدن عنایت‌الله حفیظ نینگ سلام‌وطندار گه ایتیشیچه، دنیا تشکیلاتچیلری افغانستان ده هزاره‌لر نسل کش‌لیگینی رسمیت گه تانیش و اوشبو مملکتده انسان حقلری رعایت ایتیلیشی خصوصیده دقت قیلیش اوچون، ناراضی‌لیک همایش‌لرنی یولگه قویگنلر.
بیزلرنینگ توییترده هم تعقیب قیلینگ!
شو بیلن بیرگه، هزاره‌لر نسل کش‌لیگی توخته تیلیشی گه عاید «#StopHazarGenocide» هشتک کمپاینی اجتماعی ترماق‌لر گه یولگه قوییلگن که حاضرگچه، آلتی میلیون دن آرتیق تویت بولگن.
کاج تعلیمی مرکزی گه اویوشتیریلگن هجوم ده قربان بولگن یاش قیز نجیبه نینگ سینگلیسی سکینه ادیب نینگ سلام‌وطندار گه ایتیشیچه، او افغانستان هزاره‌لر نسل کش‌لیگی توخته‌تیلیشی اوچون یولگه قوییلگن ناراضی‌لیک همایش‌لرنی خوش قرشی له‌یدی.
اونینگ ایتیشیچه: «دنیا شهرلریده یولگه قوییلگن دادخواهی‌لیکنی مثبت حرکت بیله‌من، چونکه بو ییرده بیز آواز چیقره آلمه‌یمیز، اورنیمیز گه اولر آواز چیقرماقده‌لر، دنیا همجمعیت و بیرلشگن ملت‌لر تشکیلاتی بو حرکت‌لرنی جدی آلیشگه امید بیلدیره‌من.»
بوندن آلدین بیرلشگن ملت‌لر تشکیلاتی و خلق‌ارا انسان حقلری نهادلری، اسلامی امارت حاکمیتیده افغانستان ده هزاره‌لر و آزچیلیک قوم‌لر نشانگه آلینیشیدن خواطر بیلدیرگن ایدیلر.
