اسلامی امارت باش وزیری، پنجشیرده قولگه آلینگنلر نینگ دوسیه‌لرینی تیکشیریش اوچون بیر کمیسیون ایجاد ایتگن.
بوگون (یکشنبه، ۲۴ میزان) باختر دولت آژانسی اوز توییتری ده یازیشیچه، اسلامی امارت سرپرست حکومتی، «پنجشیر ده حربی عملیات» جریانیده قولگه آلینگنلر نینگ دوسیه‌لری تیکشیریلیشی اوچون، آلتی کیشی‌لیک بیر کمیسیون ایجاد ایتگن.
بیزلرنینگ فیسبوک صحیفه‌میزگه باش اورینگ!
باختر نینگ معلوماتی گه کوره، مذکور کمیسیون اسلامی امارت باش وزیری محمدحسن آخوند نینگ حکمی بیلن ایجاد ایتیلگن و کابل حاکمی ندامحمد ندیم تامانیدن ییتکچیلیک بوله‌دی.
باختر نینگ معلوماتی اساسیده، قولگه آلینگن کیشی‌لر حاضر کابل قماقخانه‌لریده زندانی دیر. اوشبو کیشی‌لر نینگ سانی حاضرگچه بیللی بولمه‌گن.ً
میدیالر نینگ معلوماتی اساسیده، سونگی کونلرده اسلامی امارت کوچلری پنجشیرده «ملی مقاومت جبهه‌سی» اعضالری گه قرشی عملیات یولگه قویگن ایدی.
بیزلرنینگ توییترده هم تعقیب قیلینگ!
اسلامی امارت سوزلاوچیسی ذبیح‌الله مجاهد، نیچه کون آلدین پنجشیر ولایتی رخه، دره و افشارتومن‌لریده تازه‌لش عملیات جریانیده «ملی مقاومت جبهه‌سی» نینگ تورت قوماندانی شامل ۴۰ کیشی هلاک بولیب و باشقه ۱۰۱ کیشی قوراللری بیلن قولگه آلینگنیدن خبر بیرگن ایدی.
