میدان وردک پولیس قومندانلیگی‌دن بیر منبع سلام‌وطندار بیلن صحبت اوتکزیب ایتیشیچه، مذکور ولایت نینگ جلریز تومنی طالبان نظارتی گه اوتگن.
مذکور منبع آتی فاش ایتیلیشی نی ایستمه‌ی ایتیشیچه، جلریز تومنی بوگون (جمعه ۳۱- ثور) ایرته‌لب امنیتی کوچلر و طالبان گروهی آره‌سیده بیر آتیشمه یوزبیرگنیدن کیین، مذکور گروه قولیگه سقوط قیلگن.
منبع نینگ کوپه‌یتیریشیچه، جلریز نینگ اَیریم بولیم‌لریده حاضر هم امنیتی کوچلر و طالبان گروهی آره‌سیده آتیشمه دوام ایتیب کیلماقده. منبع گه کوره، حاضرگچه امنیتی کوچلردن ۴ ته‌سی جلریز ده هلاک ایتیلگن و باشقه ۶ حربی ایسه یره‌لنگن.
بیزلرنینگ فیسبوک صحیفه‌میزگه هم باش اورینگ!
شونده‌ی بیرحالده، میدان‌وردک ولایتی کینگش اعضاسی شریف‌الله هوتک نینگ سلام‌وطندارگه ایتیشیچه، جلریز تومنی ۵ کون قمروگه قالگندن کیین، بوگون ایرته‌لب ساعت ۹ اطرافیده طالبان نظارتی گه اوتگن.
- میدان وردک ده بیر پولیس ۴ همکارینی اولدیرگن
- میدانی وردک ولایتیده بیر هلیکوپتر قوللب توشگنی عاقبتیده ۹ کیشی جان بیرگن
- میدان‌وردک‌ده هوایی کوچلر تامانیدن اویوشتیریلگن هجوم نتیجه‌سیده ۷ تینچ اهالی هلاک ایتیلگن
اونینگ ایتیشیچه، مذکور تومن پولیس قومندانی ۳۵ حربی بیلن طالبان گروهی گه تسلیم بولگن و بو تومن بوتونلی طالبان قولیگه سقوط قیلگن.
میدان‌وردک نینگ اوشبو ولایتی کینگش اعضاسی، جلریز نینگ سقوطی نی آلدینی آلیش اوچون امنیتی مسئوللرنی توجه‌سیزلیککه عیب‌لب و ایتیشیچه، یاردمچی کوچلر وقتی گه بو تومن گه یوباریلمه‌گن.
بیزلرنینگ توییترده هم تعقیب قیلینگ!
طالبان سوزلاوچیسی ذبیح‌الله مجاهد نینگ ایتیشیچه، بو گروه جنگریلری تومن بناسی، پولیس قومندانلیگی و جلریز ملی خوفسیزلیک مدیریتی نی نظارت گه آلیب و دولتی کوچلر گه آغیر تلفات ییتیشتیرگن.
میدان‌وردک محلی و امنیتی مسئوللری حاضرگچه بو توغریده فکر بیلدیرمه‌گن.
شونینگدیک اوتگن کون ایرته‌لب لغمان نینگ دولت‌شاه تومنی هم طالبان نظارتی گه اوتگن ایدی. لغمان دن ایشانچلی امنیتی بیر منبع نینگ ایتیشیچه، بو تومن نیچه آیدن بویان طالبان نینگ جدی قمرویگه قرار تاپگن ایکن و بو پیتده طالبان نی نابود قیلیش اوچون هیچ قنده‌ی یاردمچی کوچلر بو تومن گه یوباریلگن یوق ایکن.
