آمریکا حربی‌لری نینگ قوشمه ستاد باشلیغی جنرال مارک میلی، افغانستان کیله‌جگی نی پیش‌بینلیک قیلینمه‌یدیگن دیب و ایتیشیچه، بو مملکتده کوپینچه «متغیرلر» بار.
جناب میلی آمریکالیک خبرچیلر بیلن صحبت اوتکزیب ایتیشیچه، نیچه ییل دن بویان افغانستان اوروشی نینگ رهبرلیک قیله‌دیگن مذکور مملکت نینگ ۳۰۰ مینگ‌لیک حربیسی یخشی تعلیمات کوریب و جهازلنگن و اولرنینگ افغانستان کیله‌جگی نی تعیین قیلیش گه اونملی نقشی بار.
مارک میلی نینگ کوپه‌یتیریشیچه، بیرتاماندن افغانستان ده متحد دولت و حربی مستقر بولیشی ممکن و باشقه بیر تاماندن ایسه بو مملکتده یمان تبعه‌لر تاپیلیشی ممکن. جنرال مارک میلی گه کوره: «بو گزینه‌لردن قیسی بیری واقعیت گه اوزگریشی حاضرگچه بیللی ایمس. کیله‌جک تابستان نی کوتیب توریش کیره‌ک.»
آمریکا حربی‌لری نینگ قوشمه ستاد باشلیغی نینگ ایتیشیچه، طالبان و دولت نینگ مذاکره قیلیشی بیلن سیاسی بیر ییچیم یول گه قول تاپیش و «ایچکی کتته بیر اوروش» نینگ آلدینی آلیش نی احتمالی بار. بوندن آلدین آمریکا ملی خوفسیزلیک مصلحتچیسی جیک سالیوان، چیت‌ایللیک کوچلر افغانستان دن چیققنیدن کیین هیچ کیم بو مملکت کیله‌جگی نی تضمین قیله آلمه‌یدی دیگن ایدی.
حاضر ایسه آمریکا حربی‌لری نینگ قوشمه ستاد باشلیغی، آمریکالیک حربیلرنینگ افغانستان دن چیقیشی گه اشاره قیلیب ایتیشیچه، بو پروسه کوپ وقت آلدین افغانستان امنیتی کوچلریگه مسئولیت نی انتقال بیریش بیلن باشلنگن ایدی و حاضر اونینگ سونگی باسقیچی اجرا بولماقده.
اونینگ کوپه‌یتیریشیچه، سپتامبر آیی دن آلدین آمریکالیک حربیلرنینگ بوتونلی افغانستان دن چیقیش احتمالی بار. اوتگن جمعه چیت‌ایللیک کوچلرنینگ افغانستان دن چیقیشی رسمی شکلده باشلندی و شونینگدیک اوتگن کون آمریکالیک کوچلر هلمنده ده کمپ انتونیک نی افغانستان امنیتی کوچلری گه تاپشیردی.