لوگر یشاوچی‌لری، مدنی جماعه‌چیلیک اعضالری و بمب جایلشتریلگن موتر پارتله‌ش حادثه قربانی‌لری نینگ عایله‌لریدن قطاری، پلعلم شهریده اعتراضی خیمه قوریشگن. اولر مذکور خیمه نی قربانیلر عایله‌لری گه قیغوداشلیک بیلدیریش، دایمی تینچلیک و اوتگن جمعه کونی شام چاغی بو ولایتده یوزبیرگن حادثه تیکشیریلیشی اوچون قورگن.
اعتراضچیلر اوتگن جمعه بو ولایتده یوزبیرگن پارتلش نی قاره‌لب و اوروش تامان‌لریدن اوروش دن قول تارتیب و تینچلیک و آتیش کیسین گه یوز کیلتیریش‌لرینی سوره‌شگن.
اعتراضچیلرنینگ نماینده‌سی محمداکرم احمدزی نینگ ایتیشیچه، اوشبو اعتراضی خیمه نی لوگر و باشقه ولایت‌لرده‌گی سونگی قانلی حادثه‌لرنی قاره‌لش و تینچلیک و آتیش کیسین برقرار ایتیلیشی اوچون قورگنلر.
او، حکومتدن اهالی و عامه نهادلرنینگ خوفسیزلیگی نی تأمین‌لشینی سوره‌گن و شونینگدیک قوراللی طالبان دن یشاوچی‌لرنینگ حیاتی گه توجه قیلیب و عمومی ییرلرده پارتله‌تیشدن واز کیچیش‌لرینی سوره‌گن.
اعتراضچیلرنینگ کوپه‌یتیریش‌لریچه، حکومت و طالبان اولرنینگ ایسته‌گی نی قبول قیلگونگه قدر، اعتراض دن قول تارتمه‌یدیلر.
لوگر یشاوچی‌لریدن ایکی ته‌سی لاروخان و محمداسماعیل، اوروش تامان‌لریدن اوروش نی توخته‌تیب و اهالی نینگ اولدیریش دن قول تارتیش‌لرینی سوره‌گن. شونینگدیک اولر حکومت و طالبان دن هم مملکت یشاوچی‌لری ضرر کورمه‌سلیگی اوچون بیر بیراولری بیلن آتیش کیسین قیلیش‌لرینی سوره‌گن.
شونده‌ی بیرحالده، اوتگن جمعه شام چاغی افطار قیلینه‌دیگن بیرحالده پلعلم شهریده لوگر ولایتی ازره تومن یشاوچی‌لری نینگ مهمانخانه‌سی برابریده مازدا تیپلی بمب جایلشتیریلگن بیر موتر پارتله‌دی که نتیجه‌ده، ۲۴ کیشی هلاک و باشقه ۱۱۰ کیشی یره‌لندی.