حزبالله لبنان سیاسی کینگش اورینباسری محمود قماطینینگ ایتیشیچه، اسرائیل آرقهلی هر قندهی آتیش کیسین بوزیلیشیگه جواب بیریشلری ممکن.
قماطی گه کوره، اسرائیل تامانیدن آتیش کیسین کیلیشووی بوزیلیشی برابریده حزباللهنینگ جوابی، اوزارا و تینگ درجهده بولهدی. اونینگ کوپهیتیریشیچه: «حزبالله بوتون تیارگرلیک حالتیده دیر و اسرائیل آرقهلی هر قندهی نقض بیلن کورهشگه تیارگرلیگی بار.»
حزباللهنینگ سیاسی کینگش اورینباسری، لبنان دهگی وضعیت اوروشدن آلدینگی حالتگه قیتمسلیگینی تاکیدلب و ایتیشیچه، مذکور دورده اسرائیل هر کونی لبناننی نشانگه آلیب و حزبالله ایسه اونگه جواب بیرمس ایدی.
اسرائیل و حزبالله اوچ کون آلدین ایران یاردمی، امریکا و قطر واسطهچیلیگی بیلن آتیش کیسین برقرار بولیشیگه کیلیشگنلر. اسرائیل و حزبالله آرهسیدهگی توقنشوولر ایکینچی مارچدن کیین کوچهیب و نتیجهده، لبنان یشاوچیلریدن ۴ مینگدن آرتیغی اولیب و ۱۲ مینگدن آرتیغی یرهلنگن. شونینگدیک اسرائیل هم ۳۰ دن آرتیق عسکرینی قولدن بیرگن.
