مهاجرلر و باش پناه‌ایزلاوچی‌لر وزیرلیگی مسؤللری نینگ ایتیش‌لریچه، ایچکی آواره‌لر قیین‌چیلیگی‌نی حل قیلیش اوچون هرات ولایتیده ایچکی آواره‌لرگه ییر توزیع ایتیله‌دی.
مهاجرلر و باش پناه‌ایزلاوچی‌لر وزیری نورالرحمان اخلاقی هرات ولایتی‌گه سفر قیلیب ایتیشیچه، جمهورلیک ریاستی نی ۱۰۸- بویروغی‌گه کوره، جایسیز بولگنلرگه ییر توزیع قیلیش خصوصیده قوشمه ایش گروهی بوتون ولایت‌لردن ایجاد ایتیلیب و تیکشیرولردن کیین احتیاجی بولگن کیشی‌لرگه ییر توزیع بوله‌دی.
جناب اخلاقی گه کوره، تیزلیکده قوشمه ایش گروهی نینگ مسؤللری ایش گه باشله‌یدیلر.
مهاجرلر وزیری نینگ کوپه‌یتیریشیچه، بیرینچی دن ولایت ده یشه‌یدیگن اوی-جایسیزلرگه ییر توزیع بوله‌دی و ییر حکومت تامانیدن تثبیت ایتیله‌دی.
هرات ولایتی حاکمی نینگ اورین باسری نور احمد حیدری گه کوره، اوی-جایسیزلر قیین‌چیلیگی مهاجرلر وزیری بیلن شریک ایتیلگن و قیین‌چیلیک‌لری حل ایتیلیشی اوچون تیزلیکده اقدام ایتیله‌دی.
جاری ییلده دولت کوچلری بیلن طالبان گروهی آره‌سیده توقنشولردن شدتلنگنی باعث، مملکت بوییچه ۷۰ مینگ عایله اوی- جایسیز بولیب آواره بولگنلر. ترقه‌تیلگن گزارش لرگه کوره آواره بولگنلر نینگ کوپینچه قسمی نی هلمند، قندهار و فاریاب ولایت‌لری نینگ یشاوچی‌لری تشکیل بیره‌دی.