لغمان‌ده بیر پروژه نینگ فایده‌لنیش گه تاپشیریلگنی بیلن، ۲۰۱ عایله صحی ایچیم‌لیک سوو‌دن فایده‌لنگن.
لغمان محلی حکومتی بوگون (پنجشنبه، ۱۰-سنبله) بیر پروژه نی فایده‌لنیش گه تاپشیرگن که اونینگ نتیجه‌سیده، ۲۰۱ عایله صحی پاک سوو‌دن فایده‌لنگن. اوشبو پروژه بیرلشگن ملت‌لر تشکیلاتی نینگ باله‌لردن حمایت قیلووچی صندیغی یا-ده یونیسف نینگ مالی حمایتی بیلن تطبیق و فایده‌لنیش گه تاپشیریلگن.
مذکور پروژه نینگ آچیلیشی جریانیده لغمان حاکمی زین‌العابدین نینگ ایتیشیچه: «مذکور سولری پروژه بیرینچی‌ده ۱۰ میلیون افغانی خره‌جت بیلن ایجاد و فایده‌لنیش گه تاپشیریلیب و ۲۰۱ عایله اوندن فایده‌لنگن. شونینگدیک باشقه ایکی پروژه نینگ ایشی ۲۱ میلیون افغانی بیلن باشلنگن که، ۶ آی‌ده تکمیل بولیشی ممکن. شونینگدیک اوشبو پروژه نینگ تکمیل بولیشی بیلن ۱۵۰۰ عایله نینگ پاک ایچیم‌لیک سووگه قول تاپیشی ممکن.»
بیزلرنینگ فیسبوک صحیفه‌میزگه باش اورینگ!
اوشبو پروژه‌لر تطبیق بوله‌دیگن مذکور منطقه یشاوچیلری خورسند‌لیک بیلدیریب و ایتیش‌لریچه، اوشبو پروژه‌لر نینگ فایده‌لنیش گه تاپشیریلمه‌گنیدن آلدین، اولر بیر بشکه سوو نی ۲۰ افغانی گه آلر ایکنلر که بو رقم اولر اوچون کوپ قیین بوله‌ر ایکن.
اولر حکومت و یاردم بیرووچی نهاد‌لردن حیات‌لری نینگ یخشی‌لنیشی اوچون کوپراق توجه قیلیش‌لری نی ایسته‌گنلر.
مهترلام یشاوچیلریدن عبدالقیوم نینگ ایتیشیچه: «مظلوم اهالی گه توجه قیلگنلری اوچون یونیسف‌دن خورسند‌میز. اوتگن ییل مذکور کون‌لرده بیر بشکه سوو نی ۲۰ افغانی گه آله‌ر ایدیک. بو ییرده سوو گه قول تاپیش قیین دیر و انه شوو سبب، باشقه بیر قطار قودوق قازیلیشی نی ایسته‌یمیز.»
شونینگدیک یشاوچیلردن باشقه بیری محمدنور نینگ ایتیشیچه: «اهالی‌دن کوپ قطاری قشاق‌لیک سبب، اوشبو دشت‌ده حیات کیچیره‌دیلر. بیر بشکه سوو نی کوپ قیین‌لیک بیلن اوزاق ییرلردن کیتیره‌میز. حاضر ایسه بو کبی بویوک بیر پروژه نینگ عملگه آشیریلیشی جوده‌یم یخشی دیر.»
لغمان یشاوچیلری گه علاوه شونینگدیک شرقی ولایت‌لر نینگ باشقه بیر قطار منطقه یشاوچیلری صحی ایچیم‌لیک سوو کم‌لیگی بیلن روپه‌ره‌لر و انه شوو سبب، یشاوچیلردن قطاری تورلی کسل‌لیکلر گه چلینگنلر.
بیزلرنینگ توییترده هم تعقیب قیلینگ!
مشرقی زون سوو ییتکزه‌دیگن اداره رئیسی ندی‌الله نیازی نینگ ایتیشیچه، حاضر ایسه کنر و ننگرهار ولایت‌لریده هم سوو ییتکزه‌دیگن پروژه‌لر ایشی نینگ جریانی بار و بو توغریده اهالی ایسته‌کلری نینگ حل بولینیشی خصوصیده هم سعی و حرکت قیله‌دیلر.
اونینگ ایتیشیچه: «کنر ده ۲۵۰۰ عایله گه پاک سوو ییتکزیش اوچون فنی سروی تکمیل بولگن که اونینگ ایشی تیزلیککه باشلنه‌دی و شونینگدیک ننگرهار ده ۷ الی ۸ پروژه ایشی نینگ جریانی بار که سولری شبکه‌لر، ینگی پروژه‌لر نینگ باشلش و اولر نینگ گستریش بیریش اولر گه شامل دیر.»
مملکت نینگ قطار ولایت‌لریده صحی ایچیم‌لیک سوو گه قول تاپه‌آلمسلیک، جدی بیر قیین‌چیلیککه اوزگرگن و اهالی‌دن کوپ قطاری حکومت‌دن اوشبو قیین‌چیلیک نینگ حل بولینیشی اوچون سعی و حرکت قیلیش‌لری نی سوره‌یدیلر.
