قندزو ولایتی قلعهزال، کلباد و گل تیپه تومنلری اهالیسی، یوللرنینگ بوزوقلیگی سببلی باشقه تومنلر گه باریب کیلیش اوچون قیینچیلیک بیلن دوچ بولیشلرینی ایتهدیلر.
قلعهزال تومنیدن بولگن ایمل گه کوره، یوللر بوزوقلیگی سببلی قندوز شهری و بو ولایتنینگ باشقه تومنلریگه باریش اوچون نیچه ساعت کیزیش گه مجبور. او شوندهی دییدی: «یوللر بوزوق و توپراقلی دیر. تومن بوتون اهالیسی بو معما بیلن دچار و حتا کسل بیرگهمیز گه بولسه، انده-سنده شفاخانه یا کی شهر گه ییتگونچه وفات ایتهدی.»
قندوز ولایتی گل تیپه تومنی یشاوچیسی حمادالدین هم شوندهی دییدی: «سرک احوالی یامانلیگی سببلی کسللریمیزنی وقتیده شفاکار گه آلیب باره آلمهیمیز؛ فوقالعاده وضعیتلرده کسللر احوالی آغیرلشهدی و تیز وقت ایچیده اولرنی ولایت شفاخانهسیگه ییتکزه آلمهیمیز.»
قندوز ولایتی گل تیپه تومنیدن بولگن رحمانگلنینگ ایتیشیچه، ستندرد یوللر یوقلیگی سبب ایکینچیلیک محصولاتلرینی وقتیده مجازلر گه ییتکزیب بیره آلمهیدی. او شوندهی دییدی: «اوشبو یول بوزوقلیگی سببلی باریب-کیلیشده جوده قیینچیلیک بیلن دوچ بولهمیز. ایکینچیلیک محصولاتلریمیز یول بوزوقلیگی اوچون شهر گه ییتکزیلمهیدی و دهقانلر اوز محصولاتلرینی ساته آلمهیدی.»
شو بیلن بیرگه، قندوزده هیداوچیلردن ایریملری، یوللر بوزوقلیگی، موترلرنینگ تعمیرلش و تیل ساتیب آلیش خرهجتینی آشیرگنینی ایتهدیلر. گل تیپه تومنی یونهلیشیده هیداوچی گلدادخان، یوللر بوزوقلیگی سببلی هر آی موتری تخنیکی قیینچیلیک تاپیشینی معلوم قیلهدی. او شوندهی دییدی: «یولاوچیلردن آلگن اجاره پول موتر خرهجتلریگه صرفلنهدی. یوللر بوزوقلیگی، تعمیرلش خرهجتی و موتر مصرفی یوقاریلیگی سببلی.»
برچهسی بیلن، قندوز فواید عامه باشلیغی عبدالحق حقمل، قلعهزال، گل تیپه، آقتاش و کلباد تومنلری یونهلرینی قوریش اوچون ریجهلری بارلیگینی معلوم قیلهدی. او شوندهی دییدی: «قندوز شهری و تورت تومن اورتهسیدهگی یونهلیش بوزوق، قلعهزال، گل تیپه، آقتاش، کلباد یولی توپراقلی؛ بولرنی قوریش گه ریجهمیز بار.»
قندوز ولایتی تومنلری یونهلیشلرینینگ یامان احوالی سونگی ییللرده اوشبو ولایت اهالیسی اوچون جدی معمالردن بیریگه ایلنگن؛ بو حالت قتناو، کسللرنی تشیش، بازارلر گه باریش و خذمتلر کورسهتیشده قیینچیلیکلرنی کیلتیریب چیقرگن.
