نیمروز ولایتی محلی مسئوللری، اوشبو ولایتنینگ چوللریده یوقالگن ۱۹ مهاجردن بیش کیشینینگ جسدی تاپیلگنیدن خبر بیردیلر.
نیمروز امنیه قوماندانلیگی سوزلاوچیسی گلمحمدقدرت سلاموطندار گه ایتیشیچه، خوفسیزلیک کوچلری ایکی کون ایلگری بو ولایتنینگ چهاربرجک تومنی حدودلریده بیش کیشینینگ جسدینی تاپگن و باشقه ۱۴ کیشینینگ احوالیدن هیچ قندهی خبر یوق.
اونگه کوره، اوشبو کیشیلر ناقانونی شکلده هلمند و نیمروز چوللری یونهلیشی آرقهلی ایران باریش پیتیده یولنی ادهشتیرگن و نهایت هوا ایسیقلیگی همده سووسیزلیک سببلی اولردن بعضیلری وفات ایتگن و بیرقطاری هم بیدرک یوقالگن.
نیمروز محلی مسئوللری، یوقالگنلرنی قیدیریش عملیاتی دوام ایتهیاتگنینی بیلدیرگن.
