قطار میدیالر محل یشاوچیلریدن نقل قیلیب، کابل شهری دهمزنگ منطقه‌سیده بیر ییگیت اوزینی دار گه آسکنیدن خبر بیرگنلر.
مذکور میدیالر نینگ معلوماتی اساسیده، دار گه آسیلگن عکس‌لری ترقه‌لگن اوشبو ییگیت، بوگون بامداد چاغی (جمعه، ۷ اسد) دهمزنگ نینگ نوآباد منطقه‌سی حدودلری «نوروز» پارکی ده اوزینی دار گه آسگن.
بیزلرنینگ فیسبوک صحیفه‌میزگه باش اورینگ!
اوشبو حادثه سببی حاضرگه قدر بیللی بولمه‌گن.
عین‌حالده، کابل امنیه قوماندانی سوزلاوچیسی خالد زدران مذکور واقعه‌نی تصدیقلب سلام‌وطندار گه ایتیشیچه، کابل شهری اوچینچی امنیتی حوزه پولیسی، رومالی بیلن اوزینی دارگه آسگن ییگیت نی اوشبو حوزه حدودلری «پارک شهر» دن تاپگن.
جناب زدران نینگ کوپه‌یتیریشیچه، مذکور کیشی نینگ کیم‌لیگی حاضرگه قدر بیللی بولمه‌گن. اونگه کوره، بو کیشی نینگ جسدی بوگون ایرته‌لب ساعت ۷:۰۰ اطرافیده اوچینچی امنیتی حوزه پولیسی تامانیدن عدلی طب گه انتقال بیریلگن.
بیزلرنینگ توییترده هم تعقیب قیلینگ!
شونینگدیک کابل امنیه قوماندانی سوزلاوچیسی نینگ کوپه‌یتیریشیچه، مذکور ییگیت نینگ اوزینی دار گه آسیش سببی حاضرگچه انیقلنمه‌گن و بوتوغریده تیکشیریش‌لر دوام ایتماقده.
عکس منبع‌سی: اجتماعی ترماق‌لر
