پایتخت کابل ده «داوودزی» سوداگرلیک مرکزی ده عیاللردن قطاری اوچ آی چیککن زحمتلرینی کورگزمه گه قوییب و بیر قطار عیالر گه ایش زمینهسینی یرهتیش مقصدیده توپلنگنلر.
بوگون (شنبه، ۳۱ سرطان)، کابل ده اوچ عیال شخصی پوللریدن ۲۰۰ مینگ افغانیلیک «برند حریر» کییم_کیچک دکانینی آچگنلر و اوشبو ییرده، مکتب، بیلیم یورت و ایش دن محروم بولگن ۱۵ عیال ایش بیلن تأمینلنگن.
مذکور دکان ایگهلریدن فرحناز فریبرز کوره، اوچ آی سعیوحرکت دن کیین اوشبو دکان نی آچیش گه اولگورگنلر.
بیزلرنینگ فیسبوک صحیفهمیزگه باش اورینگ!
او نینگ ایتیشیچه: «اوچ آی دن بیری تورلی طرحلر اوستیده ایشلهماقده ایدیک، بیز گه علاوه ۱۵ عیال ایش بیلن تأمینلنگن، مکتب، بیلیم یورت و ایش دن محروم بولگن عیاللرنی ایش بیلن تأمینلش مقصدیده ایشیمیزنی ولایتلرده کینگهیتیریشنی ایستهیمیز.»
فرحناز نینگ ایتیشیچه، اوشبو عیاللر نه فقط ساتیش بولیمی، بلکه خامک دوزلیک، سوزن دوزلیک و طرح توزیش بولیملریده اولر بیلن ایشلهیدیلر.
مذکور دکان ایگهلریدن باشقه بیری عالیه حریر، اوشبو دکان نی آچیش مراسمی ده ایتیشیچه، عیاللر نینگ استعدادی و توانالیکلرینی کورسهتیش مقصدیده سعیوحرکت قیلماقدهلر.
او نینگ کوپهیتیریشیچه: «باشقه عیاللر گه ایش زمینهسینی یرهتیش اوچون بیزنی قوللب_قوتلشلرینی ایستهیمیز.»
بیلیم یورت دن محروم بولگن و حاضر ساتووچیلیک بولیمیده ایشلهماقچی بولگن مهریه گه کوره، اوشبو یول آرقهلی آلغه باریش گه امیدوار دیر.
اونگه کوره: «غالب بولیش اوچون ایشلهیمیز، یالغیز کابل ایمس بلکه افغانستان بویلب یوباریش گه تلاش قیلهمیز، اوزیمیز ایشلب چیقرهمیز و عیاللر اوچون ایشلهیمیز.»
برند حریر دکانی ایگهلری گه کوره، قطار عیاللرنی روحی باسیملردن قوتقریش اوچون تلاش قیلگنلر.
بیزلرنینگ توییترده هم تعقیب قیلینگ!
باشقه تاماندن، صناعت و سوداگرلیک وزیرلیگی سوزلاوچیسی آخوندزاده عبدالسلام جواد، بو کبی ایشلرنی قوللب_قوتلشلرینی معلوم قیلیب ایتیشیچه، اولر عیاللر گه قولیلیک یرهتیش اوچون سعیوحرکت قیلماقدهلر.
او نینگ ایتیشیچه: «بیز عیاللرنی ۱۰۰ فایز قوللب_قوتلهیمیز، قول صناعتلری گه بازار تاپیش اوچون ایچکی کورگزمهلرده محصوللرینی نمایش گه قویش اوچون زمینه یرهتگنمیز.»
عیاللر حریر کییم_کیچک دکانینی آچیش مراسمی ده، ینه بیر بار اسلام امیرلیگی دن قیزلر یوزی گه مکتبلر و بیلیم یورتلر ایشیگینی آچیشلرینی طلب قیلدیلر.