مملکت‌ده ۶-صنف‌دن یوقاری قیزلر نینگ مکتب‌لری یاپیق قالگنی دوامی‌ده، بوگون تعلیمی و ظرفیت‌لر نینگ رواجلنتیریش نور موسسه‌سی یولگه قوییلگن خبری بیر ییغین‌ده، اسلامی امارت تامانیدن قیزلر نینگ مکتب لری آچیلیشینی طلب قیلگن.
تعلیمی و ظرفیت‌لرنی یوکسلتیریش نور موسسه‌سی نینگ اجراییه رئیسی و اساس‌چیسی داکتر فضل غنی کاکر نینگ ایتیشیچه، شرعی نقطه‌ی نظردن قیزلر نینگ مکتب اوقیش قیینچیلیگی یوق شونی اوچون اولر نینگ مکتب‌لری آچیلیشی کیره‌ک.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اوشبو ییغین‌ده تعلیمی و ظرفیت‌لرنی یوکسلتیریش نور موسسه‌سی نینگ هماهنگ قیلووچی مسئولی خاطره علی‌زی نینگ ایتیشیچه، حاضرگی شرایط‌ده قیزلر مکتب‌لری نینگ یاپیق قالگنی افغانستان اهالی‌سی اوچون بویوک ظلم و جفا دیر. او اسلامی امارتدن قیزلر نینگ مکتب‌لری خصوصیده‌گی قراری نی اوزگرتیریب و میلیون‌لرچه افغان نینگ سیسی نی تینگلشینی سوره‌گن. او اسلامی امارتدن تنقید‌لب، حاکم دولت قیزلر نینگ مکتب‌لری آچیلیشی خصوصیده دین عالم‌لری بیلن اصلا مصلحت قیلمه‌گنینی بیلدیرگن.
باشقه بیر تاماندن، عیال اوقیتووچیلریدن فروزان حمیدی نینگ ایتیشیچه، افغانستان قیزلری اینگ اساسی حق‌لری گه ییتیشیش اوچون مبارزه قیلیب و اسلامی امارت تامانیدن مکتب‌لری آچیلیشینی کوتیب تورگنلر.
بیزلرنینگ توییترده هم تعقیب قیلینگ!
او اسلامی امارت گه خطاب قیلیب ایتیشیچه، اولر پیامبریمیز نینگ تورموش اورتاغ‌لری کبی اینگ اعلا درجه‌ده تعلیم و تربیه کوریش اوچون قیزلر گه رخصت بیریش‌لری کیره‌ک.
اوشبو موسسه اعضالری بیر قطعنامه آرقه‌لی دنیا جماعه‌چیلیگی اینیقسه اسلامی همکارلیک‌لر تشکیلات‌لریدن، قیزلر نینگ مکتب‌لری آچیلیشی اوچون اسلامی امارت گه باسیم کیلتیریشلری نی ایسته‌یدیلر. شونینگدیک مذکور قطع‌نامه‌ده اسلامی امارتدن اسلام دینی قانون_قاعده‌‍‌لری اساسیده جماعه و اهالی نینگ اصلاح قیلیش اوچون اونملی یوللردن قوللنیش‌لری کیلگن.
