بوگون کابل ده تورکیه ایلچیسی جنک اونال، افغانستان ده تورکیه معارف بنیادی باشلیغی احمد توکور، کابل ده تیکا هماهنگ قیلووچیسی فاضل آکین اردوغان و بیر قطار طلبهلر و بیلیم یورتلر استادلری حضوری بیلن بیر برنامه آرقهلی ۱۵-جولای، تورکیه نینگ دموکراسی و ملی بیرلیک کونیدن نشانلنگن.
کابل ده تورکیه ایلچیسی نینگ ایتیشیچه، مذکور برنامه افغانستان یشاوچیلری گه تورکیه مجادلهسی نینگ شریک بولیشی مقصد یولگه قوییلگن.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «۱۵-جولای تورکیه اهالیسی اوچون اونملی بیر تاریخ بولیب، بو کون اهالی آرقهلی دموکراسی نینگ قوتقریلیشی دیر. افغانستان ده بوگوندن نشانلش مقصد، افغانستان اهالیسی گه تورکیه نینگ دموکراسی مجادلهسینی انتقال بیریش و شریک قیلیش دیر.»
شوندهی بیرحالده، بو برنامهده نطق سوزلهگنلر، تورکیه نینگ دموکراسی و ملی بیرلیک کونی نی تاریخی و اونوتیلمهگنی بیر کون دیب، ۲۰۱۶-ییل ۱۵-جولای کودتا سببلری و نتیجهلری نی بیان قیلگنلر.
باشقه بیر تاماندن، بو برنامه گه شرکت قیلگنلر ۱۵-جولای کودتاسی برابریده تورکیه یشاوچیلری نینگ قرشی توختهگنلریدن قدردانلیک قیلگنلر.
اوشبو برنامه گه شرکت قیلگنلردن بیری سنجر نوری نینگ ایتیشیچه: «بو کوندن نشانلش اوچون مذکور برنامه گه شرکت قیلگنمیز. ۱۵-جولای تورکیه ده بیر کودتا بولدی و اوشبو کودتا برابریده تورکیه اهالیسی نینگ قندهی قرشی توختهگنی نی کوردیک.»
بیزلرنینگ فیسبوک صحیفهمیزگه باش اورینگ!
ایتیش کیرهک که، هر ییلی تورکیه و باشقه بیر قطار مملکتلرده ۲۰۱۶-ییل ۱۵-جولای کودتاسیدن، نشانلنهدی.
