مملکت نینگ جنوب شرق و شرقی ولایت‌لریدن کیلگن گزارش‌لر گه کوره، اوتگن بیر آی جریانیده، سیگیرلر آره‌سیده اورته گه کیلگن لمپی اسکین کسل‌لیگی اهالی نینگ خواطرلری گه سبب بولگن.
عین حالده، اوشبو کسل‌لیک اهالی و حتی رسمی‌لر نینگ نادرست فکرلری گه سبب بولگن دیر. نیچه مدت آلدین ننگرهار ولایتی‌ده رسمی‌لر، اوشبو کسل‌لیککه چیلینگن سیگیرلر نینگ گوشتی ساتیلیشی و ییلیشی نی منع قیلگن ایدیلر.
شونده‌ی بیرحالده، کابل بیلیم یورت اوقیتووچیلری اهالی نینگ نادرست فکرلری نی حل قیلیش اوچون بوگون اوشبو بیلیم یورت‌ده یولگه قوییلگن علمی بیر کنفرانس‌ده ایتگنلر که، حاضرگچه اوشبو کسل‌لیک نینگ انتقال قیلیشی خصوصیده هیچ بیر گزارش کیلمه‌گن. کابل بیلیم یورت اوقیتووچیلر نینگ ایتیش‌لریچه، اوشبو کسل‌لیک چیبین و پشه کبی حشره‌لردن حیوان گه انتقال قیله‌دی.
بیزلرنینگ فیسبوک صحیفه‌میزگه باش اورینگ!
اوشبو ییغین‌ده کابل بیلیم یورتی وترنری فاکولته‌سی نینگ پاراکلینیک دیپارتمنت داکتر آمری اسد‌الله صمدی نینگ ایتیشیچه، مذکور کسل‌لیککه حیوان‌لردن کوپینچه‌سی نینگ چلینگنی صورت‌ده، افغانستان اقتصادی کونده ۱۰ میلیون دالر خساره کوریشی ممکن.
شونده‌ی بیرحالده، عامه ساغلیق نی سقلش وزیرلیگی نماینده‌سی حیوان‌لر آره‌سیده اوشبو کسل‌لیک نینگ کوپه‌یگنی خصوصیده خواطر بیلدیریب و ایتگن که، لمپی اسکین کسل‌لیگی نینگ حیوان‌لر آره‌سیده کوپه‌یشی، افغانستان ده حیوانی محصو‌ل‌لر و چاروه‌دالرلیک بولیمی نینگ کمه‌یشی گه سبب بولیب و افغانستان اهالی اقتصادی گه آغیز زیان ییتیشتیریشی ممکن.
مذکور ییغین‌ده عامه ساغلیق نی سقلش نماینده‌سی داکتر نصیر‌احمد ستانکزی نینگ ایتیشیچه، اوشبو کسل‌لیککه توسیق بولیش اوچون، اولر باشقه بیر قطاری همکار نهاد‌لر بیلن افغانستان گه مذکور کسل‌لیکدن توسیق بوله‌دیگن واکسین‌لر نی وارد قیلیش گه قرار آلگنلر.
باشقه بیر تامان‌دن، مذکور ییغین‌ده ایکینچیلیک، چاروه‌چیلیک و سووغاریش بولیمی نینگ حیوانی کسل‌لیک‌لر نینگ کنترول قیلیش مسئولی داکتر ابراهیم فروتن نینگ ایتیشیچه، ننگرهار ولایتی‌ده دولتی مسئوللر و اهالی نادرست دستور‌لر نی بویروغ بیرگنلر که اوشبو توصیه‌لر درست ایمس.
اونینگ کوپه‌یتیریشیچه، ایکینچیلیک وزیرلیگی کیله‌جک کون‌لرده، اوشبو کسل‌لیک نینگ کوپه‌یشی‌دن توسیق بولیش اوچون بیر کمپاین یولگه قوییشی ممکن. اونگه کوره، بو کسل‌لیک خصوصیده اهالی گه درست بیر شکلده معلومات بیریلیشی اوچون اوشبو وزیرلیک ایشلاوچیلری گه بویروغ بیرگن دیر.
بیزلرنینگ توییترده هم تعقیب قیلینگ!
شونده‌ی بیرحالده، مذکور کسل‌لیک خصوصیده کابل بلدیه نماینده‌سی احمد‌ضیا خالد نینگ ایتیشیچه، بو رقم کسل‌لیک حاضرگچه کابل ده اورته گه کیلمه‌گن و شونینگدیک کابل بلدیه‌سی تامانیدن سیگیر گوشتی ساتیلیب و ساتیلمه‌یشی اوچون هیچ بیر اقدام صورت تاپمه‌گن.
مذکور کسل‌لیک اوچون هیچ بیر بیللی واکسین یوق، لیکن بیر قطار کیشی‌لر اوشبو کسل‌لیکدن توسیق و آلدی آلینیشی اوچون چاروه‌دالر گه کوپینچه پول بیلن دارو ساتگنلری بیرحالده، افغانستان ده اوشبو کسل‌لیک نینگ کوپه‌یشی خصوصیده گزارش‌لر ترقه‌تیلدی.
عین حالده، اوشبو کسل‌لیکدن توسیق بولیش و تداوی قیلیش اوچون آز بیر قیمت بیلن بازار‌ده ساتیله‌دیگن ایچکی و قوی واکسینی‌دن ایش آله‌دیلر.
