کابل یشاوچیلریدن قطاری برق یوقلیگی‌دن خواطر بیلدیریب، سرپرست حکومت نی برق پایه‌لری نینگ امنیتی نی تامین‌قیله آلمه‌یشلری خصوصیده عیب‌لب ایتیش‌لریچه، اسلامی امارت برق پایه‌لری نینگ امنیتی نی تامین قیله آلمه‌یشی گه علاوه، اولر نینگ قیته توزه‌تیشی گه هم امکانیتی یوق.
کابل یشاوچیلریدن بیری وحید‌الله نینگ ایتیشیچه: «بلکیم برشنا شرکتی نینگ ناتوانلیگی بولسه، سابق حکومت‌ده هم پایه چپه بولر ایدی لیکن تیزلیک بیلن توزه‌تیلر ایدی.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، کابل شهریده دوکان‌دارلر نینگ ایتیش‌لریچه، اولر برق یوقلیگی باعث، مالی ضرر کورگنلر.
کابل شهری نینگ دکاندالریدن جمشید و نایب نینگ ایتیش‌لریچه، ۴ کون‌دن بویان برقی‌‌لری یوق و جنراتور یاقیش گه مجبور بولگنلر.
اولر نینگ کوپه‌‌یتیریش‌لریچه، اوتگن نیچه کون ایچیده درآمد‌لریدن کوپینچه‌سی جنراتور اوچون صرفلنگن. کابل شهری دکاندارلریدن بولمیش جمشید نینگ ایتیشیچه: «برق بولمه‌گن صورت‌ده جنراتوردن قوللنیش گه مجبور‌میز که کوپ مصرفی بار. جنراتوردن قوللنگن پیتده، قولیمیز گه کیلگن درآمد مصرف بوله‌دی و تیکیلگن کییملردن فایده قالمه‌یدی.»
کابل شهری ده باشقه دکاندارلردن بیری نایب گه کوره: «برقی‌میز بولمه‌گن پیتده، دکانی‌میز قرانغو بوله‌دی و انه شوو سبب مشتری کیلمه‌یدی. برق بولگن صورت‌ده، یخشی سودا قیله آله‌میز.»
شونده‌ی بیرحالده، ایکی هفته آلدین پروان ولایتی جنوبی سالنگ نینگ «تاغمه» ساحه‌سیده ایکی پایه برق نی چپه قیلگن ایدیلر که نتیجه‌ده، کابل شامل ۱۱ ولایت نینگ برقی کیسیلگن ایدی.
بیزلرنینگ توییترده هم تعقیب قیلینگ!
لیکن اوتگن کیچه، برشنا شرکتی بیر اعلامیه آرقه‌لی ایتگن که، کابل و باشقه نیچه شهر نینگ نیازلرینی حل قیلیش اوچون ۲۵۰ میگاوات وارداتی بیر لین برق نی وصل قیلگنلر.
شونده‌ی بیرحالده، اسلامی امارت نینگ قدرت گه ایریشگنیدن بویان، نیچه مرته مملکت نینگ تورلی ساحه‌لریده برق پایه‌لری چپه بولگن.
