متقاعدلردن قطاری اوتگن کون (دوشنبه، ۱-عقرب)، حقلری نی قولگه کیلتیریش اوچون کابل ده متقاعدلر خزینه‌سی ریاستی برابریده ییغیلیب، سرپرست حکومت تامانیدن تقاعد حقلری نینگ توللنمه‌سلیگی‌دن شکایت قیلیب ایتیشلریچه، یامان اقتصادی وضعیت و تقاعد حقلری نینگ توللنمه‌سلیگی، حیات نی اولر گه قیین‌لشتیرگن.
۴۰ ییل‌دن کوپ سابق حکومت نینگ حربی بولیمی‌ده ایشله‌گن بسم‌الله نینگ ایتیشیچه، تقاعد حقی توللنمه‌گنی سبب، عایله‌سی نینگ دستلبکی نیازلرینی تامین قیله آلمه‌یدی.
اونینگ کوپه‌یتیریشیچه: «درآمدیمیز یوق، حیات جوده‌یم قیین. ایشانینگ که کییم و اوی وسیله‌لری نی ساتدیک. برچه‌میز نینگ حیاتی شو رقم، متقاعدلریدن یالغیز حربی بولیمی نینگ عزت و آبروسی بار. دولتی اداره‌ده ایشله‌گن هر کیم‌ده، عزت و آبروسی بار. باشقه مملکت‌لرده بو رقم ایمس.»
بیزلرنینگ فیسبوک صحیفه‌میزگه باش اورینگ!
شونینگدیک متقاعدلردن باشقه بیری محمد‌الله نینگ ایتیشیچه: «ایشانینگ که کیچه و کوندوزی‌میز گه پولی‌میز یوق. بیزلر بو رقم گپ‌لر نینگ ایتمه‌ینگ! بیر مکتوب ایکی ییل‌ده امیرالمؤمنین گه؟ بو پول حقیمیز دیر، آیلیگی‌میزدن آلینگن. قیش موسومی ییتیب کیلماقده که بیزلر گه قیین‌چیلیک بولیشی ممکن.»
متقاعدلر خزینه‌سی ریاستی گه تورموش اورتاغی نینگ حقی نی آلیش اوچون کیلگن کوکوگل نینگ ایتیشیچه، بیش کیشی‌لیک عایله سرپرستی دیر و تورموش اورتاغی نینگ تقاهد حقی توللنمه‌گنی صورت‌ده، حیات قیین‌چیلیکلری نینگ ایکی برابر بولیشی ممکن.
اونینگ کوپه‌یتیریشیچه: «حاضر ایسه جوده‌یم یامان بیر وضعیت‌‌ده قرار تاپگن‌میز، نان یوق، سوو یوق و ساووق هوا‌ده حیات کیچیره‌میز. یاغاچ یوق، کومیر یوق و هیچ نرسه‌میز یوق. اوچ ییل‌دن بیری تورموش اورتاغیم نینگ حقی اوچون کیله‌من. کوکلم‌دن یاز گه و یاز‌دن قیش گه ییتیشه‌دی؛ بیراق هیچ فایده‌سی یوق.»
شونینگدیک مذکور متقاعدلر نینگ ایتیشلریچه، اوتگن ایکی ییل‌ده نیچه مرته تقاعد حقلری نینگ قولگه کیلتیریش اوچون نیچه نهاد گه مراجعت قیلگنلر؛ بیراق حقلری بیریلمه‌گن.
اوچ ییل‌دن بیری تقاعد پولی نی قولگه کیلتیرمه‌گن محمدزمان نینگ ایتیشیچه: «بارمه‌گنیمیز اداره قالمه‌دی، بیر قندهار گه بارگنیمیز یوق، البته نماینده‌میز کیتگن. بو رقم بیر جنجال چیقردیلر. حلال و حرام مسئله‌سی بولسه، حضرت عمر فاروق زمانی‌دن تقاعد مسئله‌سی بار.»
بیزلرنینگ «ایکس» ترماغی ده هم تعقیب قیلینگ!
باشقه بیر تامان‌دن، اسلام امیرلیگی نینگ ایتیشیچه، متقاعدلر حقلری نینگ توللش خصوصیده ایش نینگ دوامی بار و کیله‌جک‌ده بو قیین‌چیلیک نینگ حل بولیشی ممکن.
اسلام امیرلیگی سوزلاوچیسی اورین‌باسرلریدن بلال کریمی نینگ سلام‌وطندار گه ایتیشیچه: «متقاعدلر خصوصیده ایته‌من که حاضرگچه بو موضوع تیکشیروو آستیده دیر، بو موضوع نینگ حل بولیشی توغریسیده امید بار.»
متقاعدلر شونده‌ی بیرحالده تقاعد حقلری توللنمه‌گنیدن شکایت قیله‌دیلر که، بیر یریم ییل‌دن بیری متقاعدلر حقلری نینگ توللنیش طرحی اسلام امیرلیگی رهبری گه یوباریلگن؛ بیراق حاضرگچه بو طرح تصدیق‌لنمه‌گن و شونینگدیک اونینگ سرنوشتی‌دن هیچ بیر خبر یوق.
