افغانستان رسانه‌یی نهادلری و ژورنالیست‌لر فدراسیونی، بوگون مطبوعات ایرکین‌لیگی نینگ خلق‌ارا کونی مناسبتی‌ده بیر بیانیه ترقه‌تیب، افغانستان خبرچیلری برابریده زوروانلیکلر نینگ کوپه‌یگنی خصوصیده خواطر بیلدیریگن.
مذکور نهاد ایتگن که، رسانه‌لر نینگ زیان کورگنی و خبرچیلر گه قرشی زوروانلیکلر نینگ کوپه‌یگنی، رسانه‌یی جماعه نینگ خواطری گه سبب بولگن بیرحالده افغانستان، مطبوعات ایرکین‌لیگی نینگ خلق‌ارا کونی، ۳_می گه گواه دیر.
بیزلرنینگ توییترده هم تعقیب قیلینگ!
بیانیه‌ده کیلگن که، اوتگن ۸ آی جریانیده خبرچیلر گه قرشی کمیده ۱۵۰ زوروانلیک واقعه یوزبیرگن و اوتمیش بیر ییل جریانیده ۳۰۰دن آرتیق رسانه یاپیلگن دیر که افغانستان مطبوعاتی تاریخی‌ده اینگ یمان رقم نی کورسته‌دی.
ژورنالیست‌لر فدراسیونی خلق‌ارا نهادلر و اسلامی امارت‌دن، افغانستان مطبوعاتی و خبرچی جماعه‌سیدن حمایت قیلیشی اوچون فایده‌لی ایشلر انجام بیریب و رسانه‌یی جماعه نینگ خواطرلری گه چیک قویشلری نی سوره‌گن.
سونگی ۹ آی جریانیده، افغانستانده رسانه‌لر کوپینچه چیکلاولر بیلن روپه‌ره بولگن بیرحالده، مطبوعات ایرکین‌لیگی نینگ خلق ارا کونیدن نشانلنماقده دیر. باشقه بیر تاماندن، افغانستانده رسانه‌لردن قطاری یاپیلیب یا_ده یاپیلماقده دیر.
بیزلرنینگ فیسبوک صحیفه‌میزگه باش اورینگ!
شونینگدیک خلق‌ارا کیچیریم تشکیلاتی توییتر صحیفه‌سیده بیر پیام آرقلی ایتگن که، افغانستان ایرکین رسانه‌لری اسلامی امارت حاکمیتی‌ده نابود بولماقده دیر.
مذکور تشکیلات گه کوره، اسلامی امارت نینگ قدرت گه ایریشگنیدن کیین، ۶۴۰۰ خبرچی ایشی نی قولدن بیرگن. عین حالده، ۲۳۱ رسانه نینگ فعالیتی توخته‌ب و شونینگدیک رسانه‌لردن قطاری ایسه امنیتی تهدیدلر و مالی قیین‌چیلیکلر بیلن روپه‌ره دیر.