اسلام امیرلیگی، پاکستان باش وزیری شهباز شریف نینگ افغانستان ده عصیانچی گروه‌لر نینگ قرارگاهی بارلیگی و او ییردن پاکستان گه قرشی هجوم‌لرینی ریجه‌لشتریش گه دایر بیاناتی گه مناسبت بیلدیریب ایتیشیچه، اوشبو مملکت ایچکی مسئله‌لرینی افغانستان گه نسبت بیرمسلیگی کیره‌ک.
پاکستان باش وزیری شهباز شریف اوشبو سوزلرینی سه‌شنبه کونی، ۱۰ اسد، مذکور مملکت ده «اسلام عالم‌لری جمعیتی» حزبی ییغیلیشی ده اویوشتیریلگن خودکش هجوم باعث یره‌لنگنلرنی عیادت قیلیش چاغیده بیان قیلگن.
سرپرست حکومت سوزلاوچیسی ذبیح‌الله مجاهد نینگ ایتیشیچه، اسلام امیرلیگی باشقه اولکه‌لر جمله دن پاکستان گه هجوم قیلیش نیتی بولگن کیشی یا که گروه گه، افغانستان ده حضوری و قرارگاه توزه‌تیش گه رخصت بیرمه‌یدی.
بیزلرنینگ فیسبوک صحیفه‌میزگه باش اورینگ!
اسلام امیرلیگی سوزلاوچیسی ذبیح‌الله مجاهد نینگ سلام‌وطندار گه ایتیشیچه: «برچه مسئله‌لرینی افغانستان گه نسبت بیرمه‌سینلر و بوتوغریده اسلام امیرلیگی نینگ موقفی بیللی دیر، بیز بوتوغریده اولر بیلن یقیندن صحبت قیلدیک. اسلام امیرلیگی افغانستان ده عصیانچی گروه‌لر نینگ حضوری یا که بو ییردن باشقه اولکه‌لر جمله دن پاکستان گه هجوم قیلیش رخصتینی بیرمه‌یدی.»
باشقه تاماندن، پاکستان تشقی ایشلر وزیری بلاول بوتو زرداری، افغانستان دولتی نینگ چیگره خوفسیزلیگینی تأمینلش اوچون ییترلیچه حربی کوچی یوق و بو ایش تروریزم گه قرشی کوره‌ش ده ایریم قیینچیلیک‌لر گه سبب بولگنینی ایتگن. زرداری نینگ کوپه‌یتیریشیچه، پاکستان افغانستان گه یاردم بیریش گه تیار دیر؛ چونکه عصیانچی گروه‌لر گه قرشی کوره‌ش کوچی گه ایگه دیر.
بیراق، ذبیح‌الله مجاهد گه کوره، اسلام امیرلیگی تامانیدن چیگره‌لر خوفسیزلیگی تأمینلنگن: «اسلام امیرلیگی افغانستان ده خوفسیزلیک نی تأمینلب و چیگره‌لرینی کنترول قیلگن، پاکستان قیینچیلیگی اوزی گه باغلیق چونکه پاکستان تامان دیورند چیزیغی یقینیده اورمان‌لر بار، اوندن عصیانچی‌لر قولی‌لیک بیلن فایده‌لنه‌دیلر، بو بیز گه باغلیق ایمس اوزلری اقدام قیلیش‌لری کیره‌ک.»
بیزلرنینگ توییترده هم تعقیب قیلینگ!
شو بیلن بیرگه، سیاسی ایش بیلرمان‌لر نینگ ایتیشلریچه، پاکستان ده‌گی قیینچیلیک‌لر و اوشبو مملکت خوفسیزلیک وضعیتی اوزگریشی افغانستان گه باغلیق ایمس؛ چونکه افغانستان پاکستان خوفسیزلیگی اوچون تهدید بوله‌دیگن هیچ قنده‌ی حجت یوق دیر.
سیاسی ایش بیلرمان محمود اضطرابی گه کوره: «پاکستان سیاسی و امنیتی بحران بیلن روپه‌ره بولگن، استخباراتی ضعیف‌لیگینی افغانستان زمه‌سیگه تشلش اوچون سعی‌وحرکت قیلماقده، افغانستان پاکستان خوفسیزلیگی اوچون تهدید ایکن‌لیگیگه دایر هیچ قنده‌ی حجت یوق دیر.»
عین‌حالده، یک‌شنبه کونی، ۸ اسد، پاکستان اسلام عالم‌لری جمعیتی حزبی ییغیلیشی ده اویوشتیریلگن خودکش هجوم عاقبتیده، ۵۶ کیشی هلاک بولیب و ۲۰۰ کیشی یره‌لنگنلر. اوشبو هجوم مسئولیتینی داعش گروهی خراسان بولیمی تن آلگن.
