جوزجان ولایتی فیض‌آباد تومنی «بالا مردیان» قیشلاغیده یانغین صادر ایتیلیشیدن ایکی هفته دن کیین، اوشبو ولایت محلی مسئوللری اهالی نینگ سوزلرینی تصدیقلب ایتیشیچه، اولر نینگ تیکشیروی گه بناً، یشش اوی‌لر جن‌لر تامانیدن آلاو بیریله‌دی.
جوزجان حاکمی داملا شعیب رسالت نینگ ایتیشیچه، محل یشاوچیلری نینگ سوزلری واقعیت دیر و تیکشیریش‌لر اساسیده، یشش اوی‌لر آلدین_کیین اوزی_دن اوزی آلاو آلماقده.
بیزلرنینگ فیسبوک صحیفه‌میزگه باش اورینگ!
واقعه‌نی اوز کوزی بیلن کورگن جوزجان حاکمی، «بالا مردیان» قیشلاغی وضعیتیدن خواطر بیلدیریب و اهالینی دعا و توبه قیلیش گه چقیردی.
جناب رسالت یاردم بیرووچی نهادلردن، حاضرگی شرایط ده مذکور قیشلاق یشاوچیلری گه یاردم بیریش‌لرینی طلب قیلدی.
جوزجان امنیه قوماندانی داملا سراج‌الدین احمدی نینگ ایتیشیچه، معلومات‌لر اساسیده، ۱۰۰ یشش اوی بوتونلی و قسمی شکلده آلاو آلگن.
جوزجان امنیه قوماندانی گه کوره، اوشبو وضعیت باعث اهالی قیشلاق‌نی ترک ایتماقده‌لر و قالگن عایله‌لر تشویش ده حیات کیچیریشماقده.
جوزجان ولایتی فیض‌آباد تومنی «بالا مردیان» قیشلاغی یشاوچیلریدن مولوی عبیدالله گه کوره، شیخ‌لر و عالم‌لر نینگ تیکشیروی گه بناً، جن‌لر یشش اوی‌لرنی آلاو بیره‌دی و طبیعی یانغین طفیلی حاضرگه قدر، ۱۰۰ یشش اوی بوتونلی و قسمی شکلده آلاو آلگن.
بیزلرنینگ توییترده هم تعقیب قیلینگ!
جوزجان ولایتی فیض‌آباد تومنی «بالا مردیان» قیشلاغی یشاوچیلری نینگ ایتیشلریچه، یانغین صادر بولیشیدن حاضرگه قدر ۳۰۰ عایله اوشبو قیشلاق‌نی ترک ایتگنلر و قالگن عایله‌لر هم تشویش ده حیات کیچیریشماقده.
جوزجان مرکزی شبرغان شهری دن ۷۵ کیلومتر اوزاق ده جایلشگن و ۷۲ قیشلاغی بولگن فیض‌آباد تومنی، جوزجان ولایتی نینگ اوچینچی درجه‌لی تومن‌لریدن دیر.