جوزجان عامه کتاب‌خانه‌سیده کتاب اوقیش مقصدیده کیلگن یاشلردن قطاری، باشقه یاشلردن هم، آگاهی‌لیکلرینی کوپه‌یتیریش اوچون کتاب مطالعه قیلیش‌لرینی طلب قیله‌دیلر.
جوزجان‌لیک ییگیت‌لردن بولمیش حیات‌الله حیدری کتاب اوقیش اوچون کونده مذکور ولایت نینگ عامه کتاب‌خانه‌سی گه کیله‌دی ایتیشیچه، کتاب مطالعه قیلیش و کتاب بیلن دوست بولیش انسان نی کمال گه ییتکیزه‌دی، او درس‌لریده‌گی مؤفقیتینی کونده ایکی ساعت کتاب اوقیش گه نسبت بیره‌دی.
اونینگ ایشانچی گه کوره، مملکت نینگ آبادانچیلیگی و ترقیاتی اوچون یاش‌لر و ییگیت‌لر نینگ رولی مهم دیر، شونی اوچون حاضردن کتاب اوقیش گه باشلب و جامعه ده اوز رول‌لرینی اثباتلشی کیره‌ک.
بیزلرنینگ فیسبوک صحیفه‌میزگه باش اورینگ!
جوزجان معلومات و مدنیت ریاستی مسئوللری نینگ ایتیشلریچه، سونگی نیچه آی ده یاش‌لر و ییگیت‌لر نینگ کتاب اوقیش علاقه‌سی کوپه‌یگن و اولر کونده بوش‌لیک وقت‌لریده جوزجان عامه کتاب‌خانه سیگه کیلیب کتاب اوقیدیلر.
جوزجان عامه کتاب‌خانه‌سی نینگ عمومی مدیری بسم‌الله نظری گه کوره، سونگی نیچه آی ده مکتب اوقووچیلری، بیلیم یورت و عالی تحصیلات طلبه‌لری، ییگیت‌لر و یاش‌لر، سیزیلرلی درجه‌ده کتاب مطالعه قیلیش گه یوز کیلتیریب و بیلیم گه باغلیق نیازمندلیکلرینی حل ایته‌دیلر.
جوزجان عامه کتاب‌خانه‌سی نینگ عمومی مدیری، اوشبو کتاب‌خانه ده کتاب‌لر سانینی مراجعتچیلر اوچون ییترلی بیلمه‌یدی و مذکور کتاب‌خانه قوللب_قوتلنیشینی سوره‌یدی.
بیزلرنینگ فیسبوک صحیفه‌میزگه باش اورینگ!
جوزجان معلومات و مدنیت ریاستی نینگ فرهنگ و گرحٔندوی آمری احمد شارخ جوینده گه کوره، جوزجان عامه کتاب‌خانه‌سی گه علاوه، درزاب، آقچه تومن‌لری و شبرغان شهری ده باشقه اوچ کتاب‌خانه، کتاب اوقووچیلر یوزی گه آچیق دیر.
بو سوزلر عین‌حالده بیان بولماقده که، معلومات و مدنیت ریاستی مسئوللری، مذکور ولایتده کتاب اوقیش فرهنگی رواجلنیشی اوچون سعی و حرکت قیلیب و ایریم برنامه‌لر یولگه قوییلیشیدن خبر بیره‌دیلر.
