جوزجان ده اکتید دفتری نینگ تعلیم و حرفوی دستورلری بوییچه مسئولی محمدیاسین احسان نینگ ایتیشیچه، اوشبو کورگزمه، عیاللرنی قوللب_قوتلش، اولرنی ترغیب قیلیش و قول صناعت لری گه بازار قیدیریش مقصدیده یولگه قوییلگن.
اکتید دفتری نینگ تعلیم و حرفوی دستورلری بوییچه مسئولی گه کوره، مذکور ولایتده تدبیرکار و قشاق عیاللر عایله‌لری نینگ خرجتینی تأمینلش اوچون گل‌دوزلیک، خیاط لیک، موره دوزلیک، خامک دوزلیک، قرص دوزلیک، گل توزه‌تیش و ایکینچیلیک محصولات‌لرینی ساتیش ایشلری بیلن شغلنماقده‌لر.
بیزلرنینگ فیسبوک صحیفه‌میزگه باش اورینگ!
جناب احسان، حاضرگی شرایط ده عیاللرنی ترغیب قیلیش اوچون بو گَل کورگزمه‌لر اوتکزیلیشینی تاثیرچن عنوان قیله‌دی.
اوشبو کورگزمه ده قول صناعت‌لری نمایش گه قوییلگن سوداگر و قشاق عیاللردن قطاری، عایله‌لری نینگ خرجتینی قول صناعت‌لری آرقه‌لی تأمینلش‌لرینی معلوم قیله‌دیلر.
کمبغل عیاللردن سایره رسولی نینگ ایتیشیچه، مذکور ولایت عیاللری نینگ ترقیاتی اوچون بو کبی کورگزمه‌لر اوتکزیلیشی مهم دیر.
بیزلرنینگ توییترده هم تعقیب قیلینگ!
اکتید دفتری نینگ حرفوی بولیمیده فعالیت آلیب باره‌یاتگن شیده رسولی گه کوره، قشاق و تدبیرکار عیاللر اقتصادیات‌لرینی کوچه‌یتیریب و فن‌لری آرقه‌لی عایله‌لری نینگ خرجتینی تأمینلش گه قادرلر.
جوزجان مرکزی و تومن‌لریده‌گی عیاللر، قول صناعت‌لری اوچون مناسب بازار یوقلیگیدن شکایت ایتگن حالده، اوشبو کورگزمه یولگه قوییلگن، اولر اسلامی امارت دن بوتوغریده دقت قیلیشینی طلب قیله‌دیلر.
