بالا مردیان، جوزجان ولایتی فیض‌آباد تومنی نینگ اوزاق ده جایلشگن قیشلاق‌لریدن دیر که اوشبو قیشلاق ده ۱۲۰۰ عایله تیریکچیلیک قیله‌دیلر و یشاوچیلری دهقانچیلیک و چارواچیلیک بیلن مصروف دیر.
صحی ایچیم‌لیک سوو گه قول تاپمه آلمسلیک، برق و سرک‌سیزلیک، مذکور قیشلاق یشاوچیلری نینگ اساسی قیینچیلیکلریدن سنله‌دی.
جوزجان ولایتی فیض‌آباد تومنی بالا مردیان یشاوچیلریدن قطاری نینگ ایتیشلریچه، نیچه کوندن بویان اوشبو قیشلاق طبیعی آلاوگه کویماقده و اوشبو یانغین حاضرگه قدر دوام ایتماقده دیر.
بیزلرنینگ فیسبوک صحیفه‌میزگه باش اورینگ!
مذکور قیشلاق یشاوچیلری گه کوره، بو وضعیت آدم‌لرنی روانی کسل‌لیکلرگه روپه‌ره قیلگن و عایله‌لر کیتمه_کیت جوزجان مرکزی شبرغان شهری و بلخ مقصدی منطقه‌نی ترک ایتماقده‌لر.
جوزجان ولایتی بالا مردیان یشاوچیلریدن بولمیش شکرالله نینگ ایتیشیچه، اوشبو تومنده طبیعی یانغین حاضرگچه دوام ایتماقده و منطقه یشاوچیلری گه آغیر مالی زیان ییتکیزگن.
بالا مردیان یشاوچیلری گه کوره، خاتین قیزلر و باله‌لر واقعه عامللرینی کوره‌دیلر لیکن ایرکک‌لر ساحه ده بارگن حالده، غیب بولیشه‌دی.
بالا مردیان یشاوچیلریدن بیری نینگ ایتیشیچه: «آدم‌لر کتته قیینچیلیک بیلن روپه‌ره، دستلب انسان بولیشینی اویلر ایدیک، خاتین قیزلر و باله‌لر کوره‌دی و ایرکک‌لر گه معلوم بولمه‌یدی، آدم شکلده کوریله‌دی، اوی ایشیگینی آچسه‌لر کیمسه یوق و آدم ایسه غیب دیر.»
جوزجان ایش و اجتماعی ایشلر باشلیغی نورالله مسافر، که جوزجان ولایتی فیض‌آباد تومنی بالا مردیان قیشلاغی یشاوچیسی دیر ایتیشیچه، بوگون (پنجشنبه، ۲۰ اسد) اوشبو قیشلاق ده اوچ اوی آلاو آلگن و آدم‌لرتوپراق و سوو بیلن آلاونی اوچیره‌دیلر.
جوزجان ایش و اجتماعی ایشلر باشلیغی گه کوره، وضعیت دوامی باعث اهالی قیشلاق‌نی ترک ایتماقده‌لر. اونگه کوره: «حتی بعضی‌لر گه زیان ییتکیزگن که بیر عیال و باله هوش دن کیتگن، شونده‌ی قیینچیلیکلر موجود دیر.»
بیزلرنینگ توییترده هم تعقیب قیلینگ!
جوزجان امنیه قوماندانی داملا سراج‌الدین احمدی نینگ ایتیشیچه، طبیعی آلاو باعث حاضرگه قدر ۵۰ اوی یانگن و بو یانغین همان دوام ایتماقده دیر.
جوزجان امنیه قوماندانی گه کوره، حاضر مذکور قیشلاق یشاوچیلری قیین احوال ده قالگن و یاردم بیرووچی نهادلر مذکور عایله‌لر گه تیزلیک بیلن یاردم کورسه‌تیش‌لری کیره‌ک.
باشقه تاماندن جوزجان محلی مسئوللری نینگ ایتیشلریچه، اوشبو واقعه نی تیکشیریش مقصدیده بیر هیأت فیض‌آباد تومنی گه یوللنگن که تیزلیک بیلن اوز معلومات‌لرینی اهالی بیلن شریک قیلیش‌لری ممکن.
جوزجان ولایتی فیض‌آباد تومنی بالا مردیان قیشلاغی یشاوچیلری، عجیب و غریب موجودات (جنیات) نی اوشبو واقعه عاملی دیدیلر و جوزجان یشاوچیلریدن باشقه بیرقطاری، منطقه ده گاز موجودلیگی و هوا ایسیق‌لیگینی واقعه دلیلی عنوان قیله‌دیلر. برچه‌سی بیلن، اوشبو موردلردن هیچ بیری حاضرگه قدر رسمی روشده تصدیقلنمه‌گن.
