۲۰۲۲_ییل قطر جهان کپی اویین‌لری دوام ایتر ایکن، اوشبو مسابقه‌لر ایکینچی هفته‌سیده، بوگون مهم مسابقه‌لر بولیب اوته‌دی.
جهان کپی مسابقه‌لریده بوگون (شنبه، ۵ قوس) افغانستان وقتی بیلن، تونس و آسترالیا ساعت ۱:۳۰ ده؛ پولند و عربستان ساعت ۵:۳۰ ده؛ فرانسه و دنمارک ساعت ۸:۳۰ ده و نهایت ارجنتاین و مکزیک کیچه ساعت ۱۱:۳۰ ده رقابت قیله‌دیلر.
بیزلرنینگ فیسبوک صحیفه‌میزگه باش اورینگ!
جهان کپی مسابقه‌لریده حاضرگچه هیچ تیم کیینگی دور گه یول تاپیش نتیجه‌سی قازانمه‌گن.
شونینگدیک اوتگن کونگی مسابقه‌لرده ایران ۲:۰ حسابی بیلن ولز ملی تیرمه جماعه‌سی برابریده غلبه قازاندی، قطر ایسه سنگال برابری ده ۳:۱ حسابی بیلن مغلوب بولیب و کیینگی دور گه یول تاپیشی مرکب لشگن، هالند و اکوادور ۱:۱ همده جرمنی و امریکا ایسه ۰:۰ مساوی قیلدیلر.
بیزلرنینگ توییترده هم تعقیب قیلینگ!
جهان کپی مسابقه‌لریده ایرته (یک‌شنبه، ۶ قوس) جاپان و کاستاریکا؛ بلژیک و مراکش؛ کرواسی و کانادا؛ اسپانیا و آلمان ملی تیرمه جماعه‌لری بیر_بیری گه قرشی رقابت قیله‌دیلر.
۳۲ مملکت نینگ اشتراکی بولگن جهان کپی مسابقه‌لری، قطر میزبان‌لیگی بیلن ۲۷ قوس گچه دوام تاپه‌دی.